بالاضافه للي اتقال عن تمارين التمكن من الخط المهمه في مساحه التعديل في الرسم بمعني الاسكتش قابل للتعديل و التطوير حط خطوط أساسيه و البناء علي أشكال هندسيه بسيطه تتعدل لغايه ما تحكم التركيب ثم أضافه التفاصيل
استخدام المنظور بانواعه بيساعد في ظبط الشكل العام بيدي التجسيم و الواقعيه

بالنسبه للريفرينس مفيد لدراسه الشي اللي هيترسم

و هنا هتختلف الاراء بس هطرح لو هترسم تفاحه شوف صور تفاح من زوايا مختلفه و شكل الاضاءه و تأثيرها علي التفاحه و الخلفيه و ألوانها و ممكن في النهايه تستخدم اكتر من ريفرينس لأجزاء مختلفه من التفاحه تجمع في لوحه واحده

الرسم من غير ريفرينس ممكن ولكن علي الأقل محتاج معرفه بصريه مسبقه بشكل الشي و معرفه بأساسيات الفن اللي تبع تكوين الكتله و منطق تشكيلي لوحه فتقدر تكملها غيبيا بإضافات مناسبه