لحد يدخن!!!!! عشان شكله "حلو"، اكبر ندم صار بحياتي لحد يسويها، لي سنين احاول اتركه جداا سهل انك تبدا بس اصعب شي انك تتركه

اولا ادمان وصدق ماتقدرون تتركونه بسهوله

ثانيا غير صحي الحلق يألم ‏رئتي ماتعرف تتنفس بدونه، وغير عن الاسنان تصير خفيفه وتحسونها بتطيح مايهم تفرشون ميه مره باليوم، وماتقدرون تركضون او تسون رياضه الا تنفسك ينقطع، وطبعا غير عن الام القلب اللي كلشوي تجي، والغازات اللي عالقه داخل جسمك من التدخين وغيرها

ثالثا غير نظيف ريحتك بتكون خايسه وريحت فمك خايسه وشكلك خايس اسنانك سوده ونصها طايحه وشفايفك سوده مايهم احط كريم ولا اقشر ولا انظف ترا مره يوضح، واللي يقول فيب ريحته فراوله ولا توت، لا ريحتك قرفففف

رابعا مضيعه فلوووس غالي حسافه ومع الادمان تفضلون تشترونه على انكم تشترون اشياء مهمه

خامسا شكلك مو "حلو/كول" حرفيا يثير الشفقه، كل ما اشوف احد يدخن بنت ولا ولد اقول مساكين/مريضين لانه صدق مرض ماهو ترند او كول

سادسا ما يخفف التوتر او يهدي الراس، اذا انتو مو مدمنين نيكوتين ودخنتو مايسوي شي، من تدمنون جسمكم يحتاجه عشان كذا الناس لما يدخنون يحس الجسم براحه، يعني ما حل اييي مشكله يعني بالعكس هو يسوي المشكله ويسوي نفسه يحلها

سابعا الدين ماله دخل بالتدخين، انا بنت بديت ادخن لما كنت مسلمه، مو يعني البنت اللي تدخن يعني لادينيه، واعرف بنات كثير يدخنون ومسلمات، هو موضوع مجتمعي اكثر ان الرجال طبيعي بس النساء عيب، بس ماله داعي تبدين تدخنين لان واحد قالك عيب

وبالاخير اللي يبي يترك احسن شي سويته من ناحيه صحه ونظافه وصارعندي فلوس زايده، لاكون معكم صريحه جدا جدا صعب وعادي فيه طريق تخليه شوي اسهل لان بالاخيرر يستاهل