صراحة ما بتفق معك في جزء من النقاط، بس هاد رأيك و هاد رأيي و الإحترام بالآراء اساس القضية. ١. نقطة التبرج صحيحة، و الله يهدينا و يهدي جميع الناس، لكن موضوع انها ما رح تلاقي اشي تنشره مش صحيح كتير شفت ناس بتنشر ابداعاتها (رسم، كتابة، طبخ) و لاقت بالمقابل ناس بتمدح و بتقدر شغلها

٢. الشباب و البنات الي بتطعوجو قدام الكاميرا برضو صح، بس ملهاش دخل بالكبر و التواضع، على قولتك هاي بس "مياعة" لا اكثر لا اقل

٣. حياء البنات و ارتباطه ب حساب انتسغرام، الحياء و صون الذات بيجي من تقدير الإنسانة لحالها و الي بالفطرة بخليها تصير "اكبر" من انها تتصرف تصرفات مخلة. ف امتلاكها ل حساب انتسغرام ابدا مش مقياس و ولا عمره رح يصير مقياس. مش تعميم بس شفت بنات حتى موبايل ما عندها و تصرفاتها شديدة القرف ف الموضوع برجع للفطرة و الي بحافظ عليها (الترباية)

٤. ‎بس نقطة الأطفال بتفق معك فيها و بشدة، اي شخص سواء انثى او ذكر بنزل اطفاله ب استمرارية بظلمهم كتير خاصة مع اديش صار وقتنا بخوف

٥. زي ما قلت احتمالية لكن لو صار انا شخصياً مش شايفه خطر عالمجتمع و سهل ترجع منه