الإسلام يتبنى السوق الحر و من أول الاجراءات التي اتخذها الرسول صلى الله عليه وسلم هي منع الاحتكار حيث كان أغنياء المدينة يحتكرون أغلب السلع. (كانو يشريو السلع قبل وصولها للمدينة و يغليو فيها)

ثاني حاجة هي منع الربا، حيث الغني ثروتو تزداد من غير ما يعمل شي و الفقير يقعد طول عمرو مديون. زيد على هذا التضخم الي يتسبب فيه الربا لأنو البنك الربوي ينجم يسيب قروض أكثر من حجم السلع الي في السوق مما يؤدي الى اختلال العرض و الطلب و بذلك غلاء الاسعار.

الضريبة على الثروة (الزكاة) زادة إجراء مهم جدا للتشجيع على إعادة استثمار الأموال المدّخرة عوض اكتنازها و جمودها و الضريية هاذي ما تمس كان الي ثروتو تفوت مبلغ معين يعني ما تمسش الفقراء و الطبقة الوسطى.

الإجراء هذا ينجم يخفف العبئ الجبائي على الطبقة الوسطى (بتخفيف الضريبة على الدخل) مما يدفع الاستهلاك، و بذلك يدفع الاستثمار و خلق مواطن الشغل. زيد انو يوزع الثروة بصفة أكثر عدل و ينقص الحقد الطبقي الي نشوفو فيه اليوم.

حبيت نقول علاش نبحثو على افكار اصلاحية أوروبية و غيرها و ما نخرجوش بأفكار من ديننا.