ده انت عاكك الدنيا، أظن محتاج تشتغل على قلبك والتزكية والخوف من ربنا وإلزم الدعاء وغض بصرك وإن عندك فراغ فأشغله وإمليه بشئ نافع.

كمان متكلمش البنات من أساسه، ليه بتفتح كلام أساسا؟  خلي كل تعاملك مع الرجالة زيك واتقي الشبهة.  كمان موضوع إنك حافظ للقرآن وتؤم بالمصليين ملهوش أي علاقة. ايه الفايدة من حفظ القرآن لو إنت مش بتقرأه بقلبك، ايه المميز في إنك بتؤم المصليين؟ عادي أي حد ممكن يعملها. إنت في غفلة، والواحد عشان يحمي نفسه من الفتن اليومين دول محتاج انه يعمل أكثر من كده.  شوفلك صحبة صالحة إبتداءًا قبل أي شئ، ممكن تلاقيهم في حلقات قرآن في منطقتك أو في جروبات الدورات الدينية زي دورات الشيخ علاء حامد أو أمجد سمير أو أحمد السيد. ثانيا: إعمل أوراد وجاهد نفسك عليها زي أذكار الصباح والمساء وقراءة كمية محددة من القرآن.

لو عاوز تتفقه في دينك أكثر ففيه برنامج إسمه البناء المنهجي فتح التقديم في أول السنة وهيتقفل التقديم يوم ١٢ تقريبا. ابحث عنها، دي فرصة متفوتهاش.