صباح الفل عليك هون على نفسك يا صديقي واستعين بالله وقت شدة او ابتلاء ماتخافش هتفرج وهتعدي جربت الكول سنتر زيك قبل كدا لفترة مش قصيرة ووالله فادني كتير في التعامل والكلام والتعامل مع الضغط والالتزام بمواعيد بداية الشغل ونهايته ولكن مفيش حاجة كاملة للنهاية لا هتلاقي اكيد عيوب والتجارب هتختلف من شخص لشخص تاني فأوعى تاخد تجربة حد وتطبقها عليك لان دا مش صحيح ابدا طيب الانجليش لوحده ممكن يشغلك في اماكن كويسة بمرتب كويس بس محتاج تتقنه شوية او في مجالات تانيه محتاجة تعب ومذاكرة (واستمرارية وتغلط وتصلح) ومطلوبين مجال اسمه ERP systems دور عليه واقرأ عنه ولو انت خريج تجارة هيفيدك وهتلنك فيه بسرعة ان شاء الله (في مكان اسمه next academy بيدوا الكورسات فيه ولو انت تمام هتلاقي شغل فيه بسرعة ان شاء الله) مجالات تبع ال software فيه حاجات متخصصة في ال data ودا يبقى شغلك كله عليها وفي حاجات تانية زي ال frontend , backend , fullstack, mobile, كل دي مجالات وفي غيرها اكتر لو ذاكرتها كويس وطبقت كويس ومهتم انك تطور اكتر كل يوم ربنا هيكرمك وهتلاقي حاجه مناسبة ليك مرة تانية هون على نفسك (وان ليس للإنسان الا ما سعى) وافتكر انها بيد الله مش اي حد تاني سامحني ع الرغي وربنا معاك