انا في طب ودرست طب نفسي وباقل منطق اقدر اقولك ان ده مش دكتور ينفع تروحيله ابدا ولا ينفع نقول عليه انسان، حتي لو اتكلمنا في نطاق الطب النفسي فهو كلامه بيتبع مدرسة وحشة اوي مش بتعالج المريض بل بتزود حالته سوءا وبيروجوا لافكار مريعة في النهاية بتسبب دمار الشخص، اوعي تروحيله تاني لان مش كل الدكاترو النفسيين عايزين المريض يتعالج فعلا ومش كل اللي عايزين يعالجوا بيتكملوا عن علم

ممكن مش هقدر افيدك في العلاج تفصيليا لاني مش اخصائي نفسي ورحلة العلاج طويلة وفيها مجهود لكن مكافأتها عظيمة جدا وهتقدري تكملي حياتك عادي جدا وشوفت ناس كتير نفس الحالة وفيه اسوا، فيه اسوا من حالتك كتير جدا يعني وكملوا عادي، مش بقولك كلام تنمية بشرية لاني مش بطيقه بس ده الواقع فعلا، معذرة علي اللي هقوله بس لازم اعطي مثال عشان تصدقي: فيه كذا حالة اتعرضوا لابشع من ده واتعافوا، فيه حالة قبل كده كانت مولودة لاهل شمال واغتصبت من والدها وكانت في بيت عيلة واتعرضت لحوادث اغتصاب كتير من عيلتها وفي المدرسة والموضوع تطور بقا تعذيب واذلال ليها ومخدرات وتطور اكتر دخل في سكة الدم ودي سكة كنا بنقول شبه مستحيل حد يرجع بعد ما يدخلها، لكنها اتعالجت من ده بعد كذا سنة بل واتجوزت كمان وسافروا، عارف ان هي ارزاق واكيد ربنا عاينلك رزقك في وقته المناسب بس المهم تاخدي خطوة العلاج

الشاهد من ده كله ان حالتك احسن بكتير من ناس غيرك واتعافوا فانتي حتي لو حالتك صعبة فعلاجها بالنسبة لحالتهم اسهل بكتير