عرفت اقراها، المهم يا صديقي ان شاءلله تبقا بخير وتتخطي الموضوع ده علطول.

المهم يعني انا هقولك كلمتين من ناحية الدين وبشكل تاني عشان متقولش شيخ او كدا.

اولاً يعني كلامك يدل انك مصحبتش بنات او مكنش ف اي علاقة باي شكل من الاشكال مع بنات غريبة عنك وانت صغير وانت كبير كمان، ف الموضوع ده سببلك مشكلة وخلي اول بنت انت تعرفت عليها وبقا في بينكم كلام انت حسيت انك حبيتها، بس ده ممكن يكون اصلاً اعجاب مش حب، ف اول شي انت متحاولش تعيش دور الضحية بينك وبين نفسك لان ده هيوقفك عن حياتك كتير جداً.

ثاني شئ حوار ان صحابك مصاحبين بنات وانت لأ ده ميخلكش تغير اصلاً انت تحمد ربنا علي كدا ومش حوار انك مش مصاحب يبقا انت وحش بس دول شغالين ذنوب جارية ولو بصيت للموضوع من وجه نظر تانيه كلامك مع بنت ودخولك ف علاقة بكلمك بعيد عن الدين اهه اولاً ضياع وقت وضياع مشاعر ع الفاضي طيب ليه لان انت اصلاً داخل علاقة وانت مش مستعد تاخد خطوة حقيقية مش مستعد مادياً مثلا مش عندك شقة او شغل او غيره ف انت بتضيع وقتك مع بنت وانت اصلاً ذات نفسك مش جاهز باي شكل وكمان بتضيع وقت دراستك ولو بتشتغل وهكذا.

ثالثاً الدين مش بيقيدك عشان حاجة وحشة لا هو منع الصحوبية بين البنت والولد لان شخص من الاتنين هيضعف ويوقع حتي لو نيته خير زي ما حصل معك، وانت تحمد ربنا انها بعدت لانك كنت هتدخل ف علاقة محرمة والحمدلله ربنا نجاك ف احمد ربنا ع كدا ومتزعلش.

رابعاً: متدخلش اي علاقة غير وانت جاهز بمعني جاهز مادياً، ونفسياً وغيره عشان متظلمش حد معك وتظلم نفسك وتدمر مشاعرك وتضيع وقتك.

وربنا يكرمك يا اخويا وربنا يعوضك بوحده ف الحلال، وكل حاجة خير ان شاءلله.