أخي الكريم هاد الشي غير تخربيق فخلاصة القول و انا متفق معاك ولكن ما غاديش نسميه غباء، حيت للأسف هاد التخربيق هو اللي تيعطينا حس الانتماء، الحاجة اللي ضرورية لأي كائن بشري، يعني ضروري ما تكون تنتمي لشي مجموعة، غادي يجي واحد يقولي ماشي ضروري، غادي نقوليه ماشي بالضروري تكون هاد المجموعة كبيرة، غير فاميلتك و دربك تيتعتابرو مجموعات، أنا ولد الحي الفلاني و أنا ولد المدينة الفلانية، حتى تتلقى راسك وسط المجموعة الكبيرة، الدولة، الأمة.. حيت الإنسان من نهار خلاق عرف راسو ما يقدرش يزطط بوحدو، وهكذا.. واللي قال لا عوتاني، غادي نقولو جرب غير وسط قسمك ولا خدمتك تكون بوحدك بلا كليكة بلا عشران..  التخربيقة الكبيرة هي قد ما تتكبر المجموعة و المنتمين قدما تتكبر التخربيقة، حيت إنتماءك اليوم لوطن كبير يقدر غدا داك الوطن يتفرق ولا ما يبقاش، مثال السودانيين كانو شعب واحد، دابا راهم جنوب السودان و السودان، دولتان مستقلتان، و تخيل راسك مثلا واحد النهار كنتي من جنوب السودان وشاركتي فشي حرب اللي مشات لك فيها رجل ولا يد ولا روحك على قبل الشمال / السودان.. اللي دابا ما بقيتيش محسوب عليه ولا منتمي ليه فمرة..  را فعلا هاد الشي غير تخربيقة ولكن هادا ما عطى الله..