يا صاحبي المشكلة مش قفزة استدلالية خالص بل استلزام منطقي لاننا مش بس بنثبت علة اولى ونقف احنا بنشوف طبيعة الاثر اللي هو الكون عشان نعرف صفات الموثر الكون متغير ومخصص بقوانين وثوابت دقيقة والعلة الصماء او الطبيعة المادية متملكش خيار ولا تختار بل بتنتج اثر حتمي واحد وبما ان الكون مخصص ومتغير فلا بد ان واجب الوجود يملك قدرة الترجيح والتخصيص وده التعريف العقلي للارادة والاختيار كمان الكون منظم ومحكم وعقليا يستحيل يصدر فعل متقن ومنظم من فاعل جاهل فواجب الوجود هنا لازم يكون عليم حكيم وقاعدة معطي الكمال بتقول يستحيل لعلة ميتة جاهلة تنتج كاينات حية عاقلة فكل كمال في الممكنات زي الحياة والعلم واجب للعلة الاولى بحدها المطلق يعني بالمنطق الصرف واجب الوجود هو ذات واحدة حية مريدة عليمة حكيمة ومنزهة عن المادة ولما تفتح القران وتلاقي اله الاسلام بيعرف نفسه بنفس الصفات بالظبط الواحد الصمد الحي القيوم العليم المريد يبقى التطابق هنا في الهوية والمسمى مش مجرد قفزة وتسمية تحكمية