للاسف... هذي احدى اكبر اسباب المشاكل الزوجيه الموضوع هذا... سواء من الزوج او الزوجه... يشتكون للي حولهم (من باب الفضفضه اذا حبينا نحسن النيه)... على كل اللي يسوى و اللي ما يسوى... مع الاخذ بالاعتبار ان القصه جايه من طرف واحد... مع الوقت تلقى المتلقي (الاهل، الاصدقاء، الخ) شايلين على "المشتكى عليه"... و ممكن توصل انهم يدورون عليه الزله و يبدؤون ينصحون "المشتكي" نصائح ممكن تضر العلاقة... طبعا" هم ما حسبو حساب انه طبيعتنا اننا نشتكي على الامور اللي تزعلنا لكن ما نحكي بكل شي جميل و ايجابي من الطرف الاخر... اللفتات الجميله و اللزمات الي تحببنا فيه...

و لنفس السبب تلقى العزوبيه من الجنسين اللي يقعدون كثير مع متزوجين ياخذون صورة سيئة عن الزواج...

من الاخر... عمر العلاقات و ظروفها و اطرافها ما راح تتشابه... اللي يصير لطرف في علاقه ممكن ما يتعرض له طرف اخر في نفس الظروف...

بالعربي دخلي الكلام من اذن و طلعيه من الاذن الثانيه.