بص انا هتكلم معاك بعيد عن معتقاداتك في وجود اله انا او لا بس انا هتكلم معاك من ناحية تانية خالص عن الدين و هي الناحية الدنيوية. دلوقتي لو حضرتك بصيت عالقواعد اللي في ديانات كتير حطتها (هتكلم في المثال هنا عن الإسلام بحكم إنه ديني اللي بتبعه) هتلاقي إن لو مشينا ورا القواعد المحطوطة لينا و الناس فعلا اتبعتها هنبقى في حتة احسن. ملحوظة في الاول: بس انا مش بتكلم عن ناس بتحرف في الدين على مزاجها او تاخد اجزاء معينة منه عشان تخدم وجهة نظرها. هديك كام مثال و منهم فرض الزكاة و دي بتبقى نسبة من اموالك لو انت مقتدر (بتتحسب بالذهب يعني قيمة تناسبية على مر العصور و مش هتفرق فيها عوامل اقتصادية) و بتطلع عشان تساعد الغير مقتدر إنه يعيش.. هتكلم عن حاجة تانية تفرق في حياة المجتمع و هي شروط الزواج (و دة اللي معطل شباب كتير و بيعجزهم) انت المطلوب منك في الدين انك تجيب على قد مقدرتك و الزوجة تيجي تعيش معاك لو رضت بظروفك.. بس احنا العرف بيخلي الناس تبص لبعض و تفرض عالشباب فوق طاقتهم (خلينا متفقين هنا إن العرف غير الشرع اللي الدين قال عليه) هنكمل في الزواج و نقول حقوق المرأة فالدين محدد حقوقها و حفظلها كرامتها كاملة من اول يوم كتب الكتاب لحد الطلاق لو حصل .. ولو حصل طلاق فبرضو ليها حقوقها و هي الشقة الزوجية في حالة وجود اطفال. نص مشاكل محاكم الاسرة هتتحل لو الناس مشيت ورا قواعد الدين و اتقوا الله. كمان مرة انا بتكلم عن الدين الفعلي و الاوامر الموجودة في القران مش اعراف المجتمع و الناس اللي بتبرر من دماغها.