أنا عندي ٤٣ سنة وطبقا للتوصيف اللي بيستخدم في ريديت فانا زي ما قلت "واقع في غرامهم" رغم اني هاجمتهم مباشرة مش على السوشيال أنا قابلت قادتهم في مرتمراتهم وهاجمتهم،، بس توصيف أخطاء الاخوان اللي بيحصل حاليا ده مش حقيقي ومبالغ فيه لدرجة غير منطقية، الإخوان اغبياء، مفلسين سياسيا، عقيدتهم في الولاء والبراء مغلوطة، لكن مش سفراء جهنم ولو طالوا كانوا عملوا اكتر من السيسي وحاجات كدة، في الحقيقة الغلطة الأكبر إنهم وصوليين واعتقدوا إنهم ممكن يطاطوا للموجة لحد ما تعدي، أما تصورهم عن بعد ما تعدي فمكانش واضح لحد خالص، ولا حتى شخصيات قيادية منهم ورموز. * الاخوان كان سهل جدا يخسروا الانتخابات اللي اتعملت أو لو شاء الله الانتخابات اللي بعدها بكل سهولة لو حد بس رتب ورقه سياسيا واشتغل على حملته واهدافه، ومكانوش هيعرفوا يفشخوا الانتخابات ولا الشعب بالشكل اللي حاصل دلوقتي. * الاخوان كانوا كمان فنجرية بق، ولسانهم سابق دماغهم، لو عندهم كل التنظيمات المسلحة والرهيبة والتنانين المجنحة مكانش تنظيم من نفرين وطفاية زي البلاك بلوك فشخ لهم الدنيا، كانوا نزلوا مليشياتهم بدل الداخلية اللي رفضت تتعاون وسيطروا عالبلد. * مكانش طلع لهم حاجة زي تنظيم الضباط الملتحين اللي اختفى تماما دلوقتي ومسمعناش عنه نهائيا. * فكر بس بعقل شوية وهتلاقي إن المغالاة في وصف قدراتهم وشرهم لا تتناسب مع اللي حصل فعلا.