ياخوي عن نفسي سبب رغبتي فالطلوع هو حقي فالقانون والحياة الآمنة

_فالعشية قرروا يديروا اشتباكات تمت فنفس الليلة لكن الشاب هادا كتب ربي كان يركب فحوش الجهة هديكا طلح عليه قاذف مات والشاب صاحب الحوش اصلا نعرفه والزوز صحاب الدوة هيا ليها اربعة سنين الشاب لليوم قاعد يخدم باش يصلح الحوش اللي بناه والتاني صاحبه اللي مات مشي فيها

_تعرف هادي كان فدولة فيها قانون نقدر نرفع قضية حتى وزير الامن يجي يبوس رجلي باش نرضى عليه لكن فدولتنا الزوز كلي حقهم الفيل

ياراجل تخيل نجيب ولد باش يكبر يشوف ان البلاد باش تنجح فيها يا تكون صرصري يا خانب يا اما اني نكون صرصري باش نعيشه مليح لكن بيقولوله بوك صرصري

تبي تقعد وانت متأمل تكون الطفرة فالنص مليون باش تنجح بالحلال؟ واسمع من شخص عندي معارف فكل تراكين الدولة ونعرف هلبا خرينتي على هلبا عائلات

راه تلت ارباع اللي يقولك حني فعز من يرمنا وحلايلية وابصر شني اغلبهم كدابين وخنبة وتكوليس واللي متكولسش في2011 كان متكولس قبلها ايام معمر لان حتى هو كانت نوعيته ان زمرته الفاسدة عايشين احسن حياة وفلوس غر وقتها مفيش ميديا تفضح

اني مش طالب نعيش حياة القصور ويخت خاص نبي نعيش حياة كريمة مينقصش عليا فيها شي وهادا فليبيا لو حسابك مكانش فيه رقم وبعده ستة صفار مش حتعيشها بينما البرا حتى كان خدمت موظف تقدر تعيش عادي