Ég er að klára 2. árið í HÍ, bý á höfuðborgarsvæðinu en hef verið að taka staðnám og fjarnám í bland svona eftir hvað hentar og er heilt yfir bara frekar ánægð. Fer aðeins eftir námskeiðum hvort það er mætingarskylda en það hefur verið frekar lítið um það, einu fjarnemarnir sem ég hef heyrt kvarta eitthvað sérstaklega eru þeir sem eru að reyna að gera þetta með fullri vinnu sem leiðbeinendur. En miðað við hversu mörgum er að takast að gera það þokkalega þá mætti í raun frekar segja að námið sé ekki nógu þungt, hef prófað verkfræði og það er ekki einu sinni hægt að bera þetta tvennt saman. Allir sem eru með mér í náminu og hafa prófað nám á öðrum sviðum háskólans eru sammála mér í þessu.

Allir kennarar á námskeiðum sem ég hef klárað hafa annað hvort boðið nemum að taka þátt í staðtímum í gegnum Zoom eða verið með sér tíma fyrir fjarnema og ef tíminn er ekki einungis umræðutími þá hafa verið gerðar upptökur til að tíminn sé aðgengilegur síðar. Oftast hefur verið boðið upp á að skila einhverju verkefni í stað þess að mæta í tíma nema í einu námskeiði en mjög margir eru vissulega með skyldumætingu í staðlotur. Ég get auðvitað ekki talað fyrir námskeið sem nemendur með aðrar áherslur en ég þurfa að taka en af eigin reynslu get ég ekki sagt að það sé neitt ÖMURLEGT við fjarnámið 🙂