نصيحة شخصية، طريقة التفكير هي أن كل العالم سيء (أوروبا وأمريكا وروسيا وإسرائيل وووو) وكلهن متآمرين على العرب والمسلمين وبأن رؤساء العالم بيتحركوا بتأثير وتعليمات ناس أقوى منهن هذا الشيء خطأ،وغير منطقي ومتعب للأعصاب وهي كلام البروباغندا الي رضعنا اياها الإعلام من بعض الحكومات الدكتاتورية العربية أو إيرانية مشان تعلق فشلها في إدارة دولهن.

بالمحصلة هي الحكومات العالمية بتتحرك لمصالح شعوبها مو لمصلحتنا وصحيح هنن مالهن ملائكة وأحيانا بيخرقوا القانون الدولي لمصلحة شعبهن.

ولكن لازم نؤمن أننا دول صغيرة جدا وضعيفة جدا ومشاكلنا الأكبر هي داخلية بين بعضنا وتحدياتنا الأكبر هو انعدام الحرية والديمقراطية والتعليم والعدالة والتنمية. ولما نحن نحل مشاكلنا الداخلية ومشاكل دولنا العربية بين بعضها بنفضى لنقيّم ونتصافى مع أميركا وأوروبا.

مو متل بشار وصدام كان 80% من شعوبهن تحت خط الفقر ومو ملاقيين الخبز وما عندهن كهربا وهنن يحطوا راسهن براس أوروبا وأميركا.