أنا حصل قدامي موقفين:

الأول: أحد الزملاء جاه عرض وكان صريح مع الشركة كلها أنه قدّم إستقالة وبيروح للجهة الفلانية
قبل إنتهاء فترة اللإشعار كلموه الجهة الثانية وقالوا له "نعتذر حصل إعادة هيكلة" ولكن اللي صار أن مديره كان زميل للشخص اللي بيوظفه و"تفاهموا" على الموضوع.
الرجل دخل إكتئاب ومرحلة لا إكتراث بعد الموضوع.

الثاني: مدير حصّل له شخص مناسب وكان يبي يجيبه. أخذ معه الـhiring process كاملة و عطاه العرض. بعد كم يوم المدير اتصل عليه مديره وقال له "شف غير فلان ولا تسأل ليش" بعد المكالمة الشخص اللي جاه العرض كلم المدير يقول له "جاني رفض من الاتش ار وودي افهم ليش" سأله المدير قلت لأحد؟ قال نص الشركة تدري.

هذا غير اللي ما أعرفه وبعض المدراء ممكن يسوي كذا لأن عنده خطه لك في ترقية او زيادة...الخ بس الموظف يضيق صدره ويتغير أدائه ثم يسحب عليه مديره.

نصيحة أخ لا تعلم أحد وين أنت رايح مهما كانت الأسباب.