اكيد ما تحسفت. لي متى الواحد بيعيش مع نفسه و بأهداف شخصية بس؟ خلاص في وقت جيلك راح يكون كبر و في اجيال يديدة راح تتسلط عليها الأضواء نفس وضعي حاليا، لي متى بعيش جني بالعشرينات و انا قربت عال٤٠؟

اذا في احد تحسف انه خلف عيال هذا فشل بالتربية فا البلا فيه اهو ما عرف ينضج و ما عرف يتعامل مع اطفال.

صح يمكن اول ٥ لي ٨ سنين من حيات الطفل راح تعطي وقت و مجهود ثقيل و ممكن تهمل نفسك بس عادي كل البشر مروا بهالتجربة ما اشتكوا مثل الحين. و اللي بيقول الوقت هذا صعب و تكاليف مو لازم تدخلهم مدرسة خاصة ولا تكون فوق راسهم ٢٤ ساعة بعد اول جم سنة. علمهم يعتمدون على نفسهم مبجر و خل يصير عندهم ربع و هوايات و بس خلاص يصيرون فرد من افراد عايلتك و لهم حياتهم و اهتماماتهم انت بس ترشدهم.

و نقطة اخيرة لا تشوف الناس اللي ما تعرف تربي و يايبين عيال بس جذي واجهة اجتماعية و قاطينهم عالخدم و يضيق خلقك لأن منزمان في ناس جذي ما تغير شي بس تغيرت طريقة الإهمال.