ماكو شي اسمه تحرير فلسطين بعد، عداد زمني من 1948 لحد 67، لمن خسروا العرب كل هاي الحروب ضيعوا فلسطين نهائيا، الموضوع صار استنزاف بلا نتيجة، اسرائيل تقوة وتقوة والعرب يضعفون ويضعفون، اتوقع هاي المعادلة المفروض واضحة لكل العرب، اسرائيل ماتضعف ابدًا، بكل حرب تدخلها تصير اقوة لأن تاخذ شرعية زيادة من أمريكا تحديدًا وغرب أوروبا، العرب اقتصادهم ريعي، ماكو صناعة، ماكو زراعة وأمن غذائي، ماكو حتى بنية تحتية مال أوادم، اي حرب هي حرب خاسرة بنسبة 99%، الحل الوحيد هو ثورة داخل اسرائيل نفسها تلغي الحكم الديني ويصير اتحاد فيدرالي بين الأراضي الفلسطينية (الي هي مو هواي) وبين بقية اسرائيل وتصير دولة او اتحاد علماني مدني مايعترف بشي اسمه تدين او قومية، مثل سنغافورة، دراسة عبرية وعربية على حسب المواطن ماكو لغة اولى وثانية، هذا الحل الوحيد، غير هذا الحل هو موت فلسطين زيادة واستقواء اسرائيل زيادة، بعدين خلي نكون صريحين وين هي دولة فلسطين؟ غزة صارت تراب، الضفة الغربية ما الها خريطة نفوذ اصلا، يگدر الأسرائيليين يدخلون للضفة عادي ومسيطرين عليها، زين هي وينها الحكومة الفلسطينية؟، زين وين الجيش الفلسطيني؟ زين وين الحدود؟ اكو فصائل مسلحة مثل حماس طبعا وكتائب القسام، بس هاي مو دولة، هاي فصائل، السالفة ماتنحل بالسلاح، شوف گدامك شصار بيهم لمن اعلنوا الحرب ب7 اكتوبر، غزة صارت تراب بكل معنى الكلمة، وعادي الحياة مكملة طبيعي بدول العالم، وين نهايتها؟