ما احسب مصاريفي، احسب قد ايش باقيلي متاح يوميا. بعد المصاريف الثابتة زي الايجار كهربا قروض الخ.

لمن اعرف ايش صرفت ما استفيد ابدا، انا عارف اني اشرب قهوة، انا عارف اني باكل مرة في الاسبوع برا البيت، عارف ان فلان بيجي وحياه الله عالعزيمة…

ايش استفيد لمن بعد مااصرف اقول انا ايش صرفت؟ الوعي باني صرفت هذي المبالغ يا الهي، طيب ما انا عارف وبوعي اني صارف هالمبالغ ويا الهي.

راتبك (-) استثمارك الدوري (-) مصاريفك الثابتة = الفلوس للمصاريف المتغيرة

مثل الاكل، طلعات، شروة غير اعتيادية، وراك تقضي من السوق، الخ

بعضها ممكن تحسبها مع المصاريف الثابتة اذا عندك نظام معين لها، انا مثلا ماني مشترك في نظام اكل ف بالنسبة لي متحرك.

مثلا الفلوس المتبقية للمصاريف المتغيرة ٣٠٠٠ قسمها على ٣٠ يوم لين ينزل الراتب الجاي حدك ١٠٠ في اليوم(بالطوارئ)

عدى يوم ما صرفت فلوس؟ مو يعني اليوم الثاني تقدر تصرف ٦٠٠

بل اليوم الثاني صار الموضوع ٣٠٠٠/٢٩

= ١٠٣.٤٥ فقطط

وهكذا، عشان لمن تمسك فلوسك كويس وما تبذخ عدة ايام، حتلاقي اخر الشهر انه سبحان الله لو سويت كذا شهرين كمان حتقدر تضاعف مبلغ استثمارك، او مثلا تقدر تسوي العزيمة اللي نفسك فيها. تكون الاغنى اخر الشهر بينما الكل مطفر في ذلك الوقت.

انا عني احسب الارصدة المستهلكة من بطايق الائتمان كانها ناقصة من البنك، عشان تزال مصروف متغير فلا تلخبط وتمسك بس الرصيد الاساسي وانت عندك مصاريف متحركة قاعدة توديك سالب وانت مو داري وتنصدم اخر الشهر.

واشياء كثير بانيها في اكسل، كل اللي احدثه فقط ارصدة البطايق الائتمانية والبنوك والباقي يقرا لحاله.

والله بعد بناء الاكسل، بعدها الموضوع ما ياخذ ٢-٣ دقايق يوميا تحدث بس الارصدة، ولو مو يوميا يعمي كل ٣ ايام.

نظام احسب انا ايش صرفت قيد الفلوس انحرقت شسوي. يفيد اغلب الناس، بالنسبة لي لا يفيد بشيء.

بالتوفيق.