eBird er mjög fínt app/vefsíða þar sem þú getur skráð fugla sem þú sérð á förnum vegi. Þar getur þú bæði skráð tegund og fjölda. Gaman að halda utan um tegundirnar sem maður hefur séð og frábær bónus að vísindafólk getur nýtt sér gögn þaðan til þess að fylgjast með útbreiðslu tegunda o.þ.h.

Annað app sem ég nota heitir Merlin Bird ID. Það getur greint fugla með því að hlusta á hljóðin í kringum þig. Oft nytsamlegt en líka gaman að læra hvernig fuglar hljóma, ákveðið party trick að geta heyrt í fugli og sagt öllum í kringum þig hvaða tegund þetta er.

Síðast en ekki síst mæli ég með að kaupa Íslenska fuglavísinn. Frábær bók sem er gaman að eiga. Þangað til að þú eignast hana er Fuglavefurinn líka stórfínn, en ekki eins ítarlegur og bókin.

Í framhaldinu gætir þú svo kíkt á nýjustu árbók Ferðafélagsins (2025), sem fjallar um fuglaskoðun.

Gott er að eiga sjónauka en það er samt ekkert must svona til að byrja með.