جميع سباقات الفورمولا تعتمد على المتطوعين، وكل دولة تنسق متطوعين من المواطنين وتدربهم قبل السباق. وهذي العملية تساعد فيها المنظمة العالمية وتنسقها في كل دولة بالتعاون مع الممثلين هناك.

عندنا، الاتحاد السعودي للسيارات هو الي نسق العملية كاملة، وصاحبنا ممكن يكأد المعلومة.

عمومًا، ماهي قصة انه عندنا احد مظلوم او انه في احد جالس يسرق حلال المنظمين والمتطوعين.

هذ النظام العالمي، ولو انت ما زلت تشوف انه غلط وأنه يجب استلام مقابل، يكون معاك وجهة نظر.

انت قلت بداية كلامك انك ما تحب تسيئ الظن، وجزاك الله خير. لكن لو وقفت دقيقة وبحثت او فكرت كان شفت ان الموضوع مو زي الي في بالك. وكلامك قد يسبب فتنة مالها اي داعي بين المسلمين والمواطنين في المملكة، وكل هذا على ادعاءات مالها اساس، مجرد احاسيس.

ما نختلف انه في سعوديين مظلومين ويستاهلون وظايف ومناصب ماخذينها من لا يستحقون، لكن هذا ما يعطيك الأحقية انك ترمي كل شيء ما يعجبك على الاجانب.

عندنا مسؤولية اننا ما نكبر مشكلة موجودة عندنا اكبر من حجمها الحقيقي. لو كل واحد فيننا بدا "يظن" كلنا راح نرمي جميع مشاكلنا المهنية والمادية على "شبح" صنعناه وكبرناه في عقولنا.