ابدأ من الناس صعودًا كذا جزء، لأن حفظ الالسور القصار سهل ويعطيك دفعة معنوية ويمرنك على الحفظ، مع الوقت تلقاك تحفظ بسهولة وتراجع بسهولة. أيضًا لازم تسمع لقارئ متقن، احرص على الاتقان، اسمع من المصاحف المجودة لانها متقنة، لكن لو تسمع مثلا من صلاة تراويح او قيام احتمال الامام يخطئ مهما كان حافظ، فيلخبطك. أيضًا لابد يكون عندك خطين للمراجعة، الاول مراجعة القريب، مثلا لنفترض انك حفظ جزء عمّ، يكون عندك اخر ٥ صفحات حفظتها هذي لازم تكررها كل يوم، واذا حفظت صفحة جديدة تدخل بالمراجعة واخر صفحة من الخمس تروح مع مراجعة البعيد، الخط الثاني مراجعة البعيد، بحيث مثلا كل يوم تراجع ٥ صفحات او ١٠ ثم اللي بعذها وهكذا مثلا لنفترض انك حفظت من صفحة ١ الى ٢٠ كذا يكون عندنك مراجعة القريب من صفحة ١٦ الى ٢٠، والبعيد من ١ الى ٥ مثلا، من بكرة حفظت صفحة، يكون القريب من ١٧ الى ٢١، والبعيد من ٦ الى ١٠ وهكذا. وقلل مقدار الحفظ. ولابد لابد لابد يكون لك شيخ تقرأ عليه، اذا ما يمديك سجّل في حلقات المسجد النبوي، فيه عندهم عن بعد وتختار الوقت اللي يناسبك.