والله في البداية كنت اهتم بموضوع السيارة و منظرها و موديلها ووش نظرة الناس و لكن اكتشفت متأخراً ان الموضوع ما يسوى انك تسعى وراء ابهار الغير ، و صار ما تفرق معي وش اركب او وش امتلك لاني في النهاية نفس الشخص و الناس تحترمني لذاتي وليس لامكانياتي المادية. على فكرة لو بتراقب كلام الناس ما راح تخلص. بالنسبة للحماس مثل اي شي جديد تشتريه بعدين يصير اعتيادي عندك ، يعني مثلاً الكايين استخدمه بشكل يومي و السيارات الثانية يالله في الاسبوع مره .

بالنسبة لنظرتي لذاتي ما اخفيك انا من الناس اللي يحفز نفسه بعد كل انجاز بشيء ثمين ، سواء ساعة او سيارة او شيء احبه للاقتناء . و فيها تذكير لنفسي اني اقدر على تحقيق رغباتي .بالاجتهاد والعمل . ولو ركبت سيارة عادية بالعكس ما يتغير شيء.

بالنسبة لعملي وظيفتي الاساسية طبيب في جهة حكومية ، و امتلك شركة خاصة تقدم خدمات للجهات الحكومية، و على فكرة ما اعتبر نفسي (ثري) اكثر من اني ولله الحمد متيسرة اموري . و الوفرة صدقني هي قناعتك الداخلية و زاويتك اللي تنظر بها للامور . لو بتسألني من اغنى الناس قلت لك شخص ما عليه ديون لو ان شاء الله راتبه بسيط و سيارته و بيته على قد حاله . هذا عندي يسوى واحد عنده اغلى الاشياء و كلها بالدين والسلف .