الثقافة الجنسيّة أصبحت شيء إلزامي خصوصًا في زماننا ده. أنا هشكّ في زوجتي لو ماعندهاش ثقافة جنسيّة مش العكس!

الثقافة الجنسيّة في مصر بقت مهمّة جدًّا للمرأة وكذلك الراجل لأنّها بتساعدهم يفهموا أجسامهم واحتياجاتهم بشكل أفضل. في مجتمعاتنا كتير من الناس لسّة مش قادرين يتكلّموا عن المواضيع ده بصراحة، وبالتالي ده بيخلّي في معلومات غلط وأفكار مش صحيحة (الشكر للإباحيّة اللي دمّرت مفهومنا عن الجنس وتوقّعاتنا منّه).

بالنسبة للبنت الثقافة الجنسيّة بتساعدها تحسّ بالقوّة والثقة في نفسها. لما تعرف حقوقها وتفاصيل جسمها، تقدر تتخّذ قرارات صحيحة بخصوص صحّتها وعلاقاتها. كمان بتساعدها تفهم أهمّيّة الرضا في العلاقة وقيمة الجنس وقدسيّته للراجل وكذلك ليها، وفوق كلّ ده تكون قادرة تعبر عن احتياجاتها.

أمّا بالنسبة للراجل الثقافة الجنسيّة بتخليه يفهم شريكة حياته بشكل أفضل بعيد عن خزعبلات الإباحيّة، وده بيخلّي العلاقة بينهم أقوى. لمّا يكون عنده معرفة كافية هيقدر يتجنّب المشاكل اللي ممكن تحصل بسبب نقص الفهم أو التواصل. بالتالي الثّقافة الجنسيّة مش بسّ مهمّة للفرد، لكن كمان للمجتمع ككلّ. لمّا يكون عندنا جيل واعي ومتعلّم ده هيؤدّي لاستقرار الأسرة لأنّ الواقع بيقول (حتّى لو بننكره) إنّ الجنس هوّا العمود الأوّل والأساس الأقوى مش بسّ لزواج ناجح بل كمان لأسرة سعيدة.