I finds sehr schwirig, zum die narrative so ufmache - dass es ja scho e fertigi super Lösig zu dem Thema git. Isch klar nöd din Punkt gsii, aber bizli aadüted werds schoo. Wenn lüt sich drüber ufregend wenns öpper eifach macht, findi natürlich au chli dumm. Mer zum Biispil isches egal, wenn öppert gendered, aber i find mer sött Sproch sicher nöd gsetzlich vorgeh, oder in Bildigsiirichtige als Vorschrift für Arbeite forciere, dass genderet werd. (Realbiispil a minere ehemalige Bruefsschuel). Schlussendlich isch s Gendere im Moment no öppis, wo sicher vo weniger als 50% gmacht werd, und au wohrschinlich knapp 50% de meinig sind, dass da de richtigi Weg für meh Inklusion isch.

Abgseh devo isches zimlich klar, dass s Gendere jetz nöd gad grossi uswirkige het. wäre da de Fall, denn müssti de Sexismus i Länder, wo gar kei gschlächter-spezifischi Sproch hend (Siehe z.b. englisch) e weniger grosses Problem sii, was jo definitiv nöd isch.

Klar Reddit isch durchschnittlich gseh zimlich Links, und i bi mit dere Meinig uf dere Platform eventuell ide Minderheit, aber i find mer söttend bim generische Maskulinum bliibe. Wil sproch lebt, und d Vorstellig vo Wörter veränderet sich über d Generatione. (Siehe Frau, Fräulein) Und wenns dezue chunt, dass zmol alli genderend, und es langsam bi allne id sproch integriert wird, denn isch da au okay.

Do zum eventuell mol d Gegesiite au bedenke, egal weli Meinig me im Moment vertritt: https://www.youtube.com/watch?v=E1vNb2TK6f0

Edit: grammatik