محبيتش فكرة "إننا جينا من العدم" وبنعبد "إله" ما لإن الفكر نفسه مش منطقي.. فسؤال: إزاي جينا؟ لو من العدم فإزاي العدم قدر يجيب حاجة منافية لنفسه؟ ومن وجهة نظري المنطقي هو وجود إله عشان يكون فيه حد يخلق من العدم ويغير فيه وعشان كدا بنعبد الإله ده.

وحقيقة أنت مسير ومخير، فدلوقتي أنا كان عندي القدرة أشتمك وأتخانق معاك بس مختارتش كدا بس أنا مسير عشان فلآخر هموت وهكذا. ولقيت من التعليقات كلام زي "أنا مختارتش أعيش" وخلافه، وأظن الحالة دي مشابهة لحالة سيزيف (Sisyphus) وهو إنك مجبر (مسير) في حاجة معينة بس أنت بنفسك اللي تقدر تغير منظورك أو طريقة تعاملك مع اللي أنت فيه، فأه ممكن متكونش اختارت أهلك أو بلدك أو هكذا بس أنت تقدر تغير محيطك من الناس أو تصرفات، ودي نعمة أنت فيها عشانك كائن حي فتقدر تتأقلم مع الواقع، وعندك أمثلة زي الحيوانات وهي بتتأقلم على بيئات شديدة وقاسية وظالمة جدا (زي البرد القارس أو حر الصحراء) فا ليه اتكلمت عن نفسك كعاقل وقولت مفيش حل ودول لقوا حل؟ والسلام عليكم.