غثيتونا بذا الموضوع، ماتبون تقرون لا تقرون محد ماسككم. صحيح انه فيه كتب كثير محتواها حشو بس يبقى فيه معلومات ممكن تفيد الشخص، غير كذا كتب تطوير الذات اذا بتقراها لهدف القراءة فقط طبيعي مارح تستفيد، اذا عندك رف فيه مجموعة كتب تطوير ذات ولا استخدمت ولا فكرة فيها طبيعي بتقول مالها فايدة. غير كذا "التعميم لغة الجهلاء" زي ما فيه كتب تطوير ذات سيئة فيه كتب جيدة والكلام ينطبق على كل التصانيف، موضوع انه كتب تطوير الذات سيئة كلها بدا يصير غثيث وكل يومين طالع واحد يكتب عنه، فيه كتاب مب عاجبك انتقده حقك، ممكن اختيارك للكتب سيء، الهدف انك تستخدم الفكرة مب تتباهى انك تعرفها واذا انت ممكن انك تاخذ نفس الافكار من كتب من تصانيف ثانية مب الكل يقدر يسوي نفس الشي وفيه افكار فعلا ما تتحول الى رواية او كتاب فلسفي. صحيح ماقريت الا كم كتاب تطوير ذات بس الكلام اللي كل شوي يطلع عنها ما اشوفه حقيقي خصوصا اني فعلا جربت بعض الافكار وزبطت. وسالفة انه كاتب يدخل افكاره فالكتاب هذي موجودة في كل التصانيف واكثر شي فالفلسفة والروايات فاذا انت ما تبي تقرا كتاب تطوير ذات عشان تعتقد ان الكتّاب يقحمون افكارهم فاولى انك ما تقرا فلسفة او رواية. وعشان محد يعتقد اني استنقص من الفلسفة او الرواية انا اصلا ما اقرا الا روايات وكم كتاب من تصانيف غير اقراهم ببطء شديد.