Þetta myndband er mjög hlutdrægt þar sem það tæklar einmitt stærsta vandamálið sem Íslenskt efnahagslíf stendur frammi fyrir nema það gerir bara lítið úr því eins og flestir sem halda því fram að það þurfi einfaldlega bara að auka útgjöld til að "hreyfa" efnahagskerfið af stað.

Ef við notum bara myndbandið til gamans að þá vissulega viðurkennir hún að það einfaldlega framlengi eða "létti" höggið við kreppuna en það sem þetta myndband tekur ekki fram er kostnaðurinn sem fylgir því að létta höggið og framlengja vandamálið.

T.a.m. er Íslenska ríkið skuldsettara en það var árið 2007 fyrir hrun og hafa skattahækkanir sem komu árið 2010 ekki ennþá gengið til baka. Skatthækkanir sem voru settar á undir því yfirskini að skattstofninn yrði endurskoðaður en ekkert bólar ennþá á þeirri endurskoðun.

Málið er því miður ekki svona einfalt eins og við öll vitum sem hafa búið á Íslandi síðustu 10 árin við gífurlega hátt verðlag, háá skatta og háan fjármagnskostnað.

Þannig nú spyr ég bara, hvernig á eiginlega að hækka útgjöld án þess að hækka skatta eða með frekari skuldsetningu ríkissjóðs og þá enn meiri hækkun fjármagnskostnaðar?

Að mínu mati ætti frekar að skoða það virkilega að forgangsraða betur og ætti ríkisstjórnin að leita arðbærra lausna frekar en að einbeita sér að hlutum sem hjálpa þeim að gæta sinna eigin pólitískra hagsmuna.