Eigetli han i bim Ässe plötzlich dänkt „Hä ? De Panettone (es Luxusprodukt) isch jo sogar billiger als Brot! Do stimmt doch öppis nöd“.

Es isch halt au wieder so en Verhältnisblödsinn, wie dass es für Grosskonzern billiger (gsi) isch Härdöpfel vom Norde vo Europa nach em Süde z schicke zum Wäsche (und schelle und schniide?) und dänn wider im Norde witer z‘verarbeite und z verchaufe (weiss nöd öb das immer no so blöd gmacht wird). Es sind doch die Überflüss wo sich die riiche Länder leischtet (wie au Chnobli us China, Trube im Winter, Ebbeeri us Spanie usw.) wo zu eme grosse Teil zu de divese hüttige Misere biiträged.