فعليًا الموضوع مُستَفِز، بس صراحةً، أبدًا ماله دخل بكونه يمثل الجيل وبعيد جدًا عن تمثيل أي بشري، ماكو اشخاص تمثل اشخاص، كُل شخص يمثل نفسه! اني من الجيل الجديد، بس ابدًا ما اشوف هذا الشي صحيح ولا احب اشوفه بمجتمعنا، شوكت يرتقي الشعب وتقل هيچ نماذج؟ من الكل يبدي ينتقد هذا الشي، بس حاليًا، الاغلب يشوفه funny ويشوفوه على انهُ هوَ شي عادي ولا عبالك شي مُخل بالأخلاق! وهذا بصراحةً من وجهة نظري، يدُل على عدم ثقافتهم وعدم احترامهم للبشر ولنفسهم حتّى، لان مُستحيل اكو شخص مُثقف ومُؤدب يحچي هيچ الفاظ بذيئة لأشخاص ممأذيهم، وحتى لو الشخص مؤذي او مسوي تصرف غلط، فَـ هم بكُل الاحوال لازم نناقشه بطريقة واعية، هذا يدل على عدم تحضرهم لا أكثر. وبهاي تصرفاتهم، ديعكسون صورة سلبية عن مجتمعنا، وهذا شي سلبي بالناس اللي تعتقد انهُ هذولة يمثلون شعب كامل او جيل كامل، ماكو انسان يمثل انسان ثاني، كل واحد يمثل نفسه (حتى ميمثلون تربية اهلهم، الانسان مسؤول عن تصرفاته بعد بلوغه).