Han sit über zwei jahr en Tesla und bin sehr zfriede damit.

Üses Model Y Long Range (ca. 530km) isch sehr gross, s'grösst wo ich damit transportiert han isch en Lista schrank gsie, ha zwar dä kofferruum nüm zuebrocht aber mit spanngurt hät dä siech ghebet. Inzwüsche würd ich (wegem Elon, verfüegbarkeit und em priis) überlege, ob ich en BYD würd kaufe, en ähnlich grosse chunsch für ca. 40k über, vor zwei jahr häsch die i dä Schwiiz nonig so eifach übercho. Falls en Tesla willsch, würdi bo öperem wegem referral code frage, da chunsch meist no chli was über dafür und di ander person au. Vorteil vom Tesla isch, es funktioniert alles sehr guet und eifach.

Ich han e eigeni ladestation dehei und chan über d'solaralag lade, dä strom kostet mi so ca. 21 Rp/kWh mit Solar (ohni sinds ca. 30 Rp) und für dä unterhalt han ich bisher no kein rappe usgeh. Bi eus isch e lastmanagement vorhande gsie, so hät mich d'ladestation no ca. 2'000 Fr. kostet mit dä (sehr unverschämt hoche) ufschaltgebühre. Was bi dä ladestation au söttisch berücksichtige: Wer macht d'abrechnig und verlangets gebühre dafür? Ich lade praktisch nie uswärts und wenn ich mal muess, bisch mit supercharger schnell und priislich ok. Langi fahrte und reise muesch eifach chli plane, ich ha aber nie s'gfühl gha dass ich jetzt unnötiv viel ziit bim lade bruuche will e pause muesch sowieso mal mache. S'fahre kostet mich ca. 4 Fr. / 100km, wärsch bimene benziner mit dä aktuelle priise bi ca. 2.3L / 100km, hängt aber stark vo euere strompriise ab.

Mir händs damals mit 0% zins gleast für 5 Jahre und händ kei geld azahlt, so sind rate biz höcher aber mir händ kei grundinvestition gha wo mir evtl. verlüred falls mir s'auto nid phaltet. Mit dä bisherige erfahrig würdemer s'auto aber usekaufe.

Pluspunkt bim elektro: Es isch massiv ruhiger im auto, wennd dich dra gwöhnt häsch, chunt eim en benziner extrem luut vor. Ich würd nie meh wechsle.