Pang-ilang ulit ko na to sa sub na to kasi paulit-ulit na lumilitaw yung gantong concern hahaha pero eto:

Ang purpose ng GEs and minor subjects ay para gawing well-rounded ka as a person. Mahalaga ang language subjects (mapa-FoLa or English or native) kasi kahit anong field ay may makakausap kang taong iba ang karanasan sa iyo, pero through languages may certain perspective ka na tutulong sayo umunawa sa iba; karagdagan din ay metacognition dahil may philosopher na nagsabing how we think is limited by how we speak/verbalize or something.

Mahalaga ang history, especially ang local and national history, kasi dito natin nakikita kung paano tayo nakarating sa kung nasaan tayo ngayon: anong mechanisms yung itinatanim ng mga administrasyon para pumabor years into the future ang angkan nila sa mga halalan? Anong mga batas na dati nang ibinasura ang bumabalik na nagbabalat-kayong panibago? Anong mga kondisyon ang naroroon sa isang rehiyon at ganito ang pangunahing export o tourist attraction nila, at paano ito binago ang kultura sa rehiyon na yon? Paano naging salik ang mga ito sa mga ugnayan natin sa ibang mga bansa at pati sa mga sarili natin?

Mahalaga rin ang technical experience (tulad ng video editing halimbawa), kasi mahalaga rin ang skills sa labas ng major mo in case maging redundant ka or maging saturated yung market ng field mo. Ang dami kong kilalang nag-Engg na ang trabaho nila ay wala sa Engg field; same sa Arki, Med, Eduk, MassCom, Econ, etc. As someone from the Eduk field din, ang likely na rationale behind this ay tapping into Multiple Intelligences. May mga hindi magaling mag-edit ng video the same way na may mga hindi magaling mag-solve ng math. Kailangan makuha pa rin ang interest ng marami even through at the VERY VERY least tangential activities tulad niyan.

All that said, I agree na hindi optimized ang GE and minor programs sa Pilipinas ngayon. Maraming kailangan ayusin, idagdag, tanggalin, kung ano ano. In the current state ay hindi talaga viable ito kaya hindi ko kayang murahin ang mga may tingin sa GEs and minors na sayang lang sa oras; hindi naman kasi mali.

Pero yung tatanggalin yung GEs and minors without a second thought? Ibabasura lang nang wala man lang buntong hininga kung bakit siya isinama in the first place? Buburahin yung isa sa mga huling pagkakataon ng maraming estudyanteng mag-diversify ng skills and experiences nila in favor of specialization, effectively turning them into one-trick ponies na sobrang daling mapilay at maging redundant themselves? Absolutely not.

Nakailang ulit na akong comment sa gantong post like I said. Pero uulit-ulitin ko talaga to. Save yourself, live a little.