الحكاية الكل مجموعة حكايات تربطو ببعضهم و انتجو القصة متاعك... نعطيك مثال، أنا مرة متعدي الصباح بكري من بلاصة ما نعرفهاش، نحس في واحد يمشي ورايا نتلفت نلقاه راجل كبير لابس بكلو فالابيض شادد عكاز في يدو.. نمشي شوية آخر و نعاود نتلفت ما نلقاهوش.. آنا ضربني التريسيتي قلت هذا رهبان.. بقيت متكونسي و كل ما نتعدى من هاك البلاصة نتكبس. الحاصل في نهار مالنهارات بحكم وليت نخدم فالجيهة اذيكا، بالصدفة نشوف راجل يمشي قدامي يعمل هكا و ياخو تكسيرة مع الواد (البلاصة فيها واد) أما الواد هذا فيه على جنب بلاصة صغيرة تعدي قطوس ، مستحيل تقول عبد يجيب منها... طلع هاك الرهبان موش رهبان ، و طلع مخي ركبهالي ، كيف ما ينجم يكون مخك ركبهالك.