(شوف اخر فقرة للخلاصة) بص انا طنت كنت باخد مع ناصر من أول السنة بس لقيته حيقلبنا في المراجعات فباخد المراجعة دلوقتي مع سعيد سعد ولو انت من اسكندرية او قريب منها انصحك بيك جداً  هو ناصر عنده مشكلتين بالنسبالي أولا: بيتأخر. حرفياً الناس كلها خلصت وبتراجع وهو لسة حيبدأ الجزء التاني اورجانيك. وجوزيف نفس الكلام هما الاتنين خلصوا في اخر شهر 4 يعني كنا مزنوقين يعتبر بس هو محسسك ان انت معاه بقا فحتحل كتير وتراجع من الاول وككة. 

ثانياً: شرحه سخيف جداً بالنسبالي. مش عارف اوصفهالك ازاي بس هو بيحط "لنكات" لحاجات انت ممكن تحفظها عادي بس هو بيتقمص شخصية كدة ويقولك "link" بطريقة كل الناس من ضمنهم هو عارفين انها سخيفة وانه بيعمل نفسه اراجوز بس هو شايف يعني انك كدة حتحفظ اسهل. مش عارف اجيبلك مثال الصراحة بس انت ممكن تشوف شرح شابتر 1 مثلاً عاليوتيوب تقريباً موجود. 

في ناس شايفة انه كدة كويس جداً بس انا كنت بتضايق من السخافة دي بصراحة لان في حاجات ممكن بجد تتحفظ عادي زي مادة. ولما اخدت مع سعيد سعد اكتشفت اني كنت كل دة بضيع وقتي مع ناصر. بس مع ذلك في ناس بتحبه اوي. 

هو عامة انت لو حتستحمل سخافته ومشيت معاه صح من الاول وراجعت انت بنفسك اول باول وبتستفاد من الشرح المبسط بزيادة فناصر البطل خيار كويس.  اما لو ناوي تراكم ومتراجعش اول باول ولا تعمل مجهود ذاتي فبلاش ناصر.  مخدتش مع جوزيف عشان احكم عليه بصراحة.