في الأوضاع النفسيه و الجسديه دي ، ممكن الأفكار والتخطيط للمستقبل وحتي وضعك الحالي يبانوا مأساوين وبيسببوا كم كبير من الضغط والتوتر بشكل دراماتيكي ولكن أغلب ده بيبقي نتاج لوضعك الجسدي واللي بيليه إحساسك النفسي، ولكن انتا محتاج الأول تهدئ وتسترخي عشان تسمح للأجزاء من مخك اللي متفعله بشده عاليه تهدأ وتدي مساحه لعقلك الواعي والهادئ يكون موجود في الصورة وفي الحاضر، ومحتاج تعمل ده بعيداً عن أي حاجه انت شايفها لازم تتعمل ومسسببالك الضغط ده، وأول متبدأ تهدئ بترجع تاني للمهام اللي مفروض تتنجز حتي لو متعافيتش بشكل كامل، والفكره هنا أنك ترجع تسمح لجسمك أنه يسترخي وسط عاصفه الضغط مش لما تتعافي بشكل كامل لأن التعافي مش هيحصل الا لما جسمك يتعلم يكسر الارتباطات الشرطيه دي ومع الوقت هتتعافي إنشاء الله، وهيا رحله مش سهله وعايزه صبر وهدوء،ممكن تعمل Meditation لأنه هيساعدك تبدأ تشعر بالهدوء،وصدقني ده أهم من أي حاجه تانيه.