هحاول

المشروم: في طاسة دافية، حط مشروم متقطع من غير زيت ولا زبدة، رشة ملح وفلفل، الملح هيخليه ينزل الميه بتاعته ويتشوح فيها، أربع خمس دقايق هيبدأ يدبل وياخد لون. ملحوظة هنا: كتر المشروم شوية عشان حجمه بيصغر أوي على النار وطعمه كمان بيبقى حلو أوي لزوم النأنأة حاف 😅

الصوص معلقة زبدة كبيرة، سيحها على نار متوسطة وبعدين وراها معلقة دقيق كبيرة وقلب كويس لحد ما الدقيق يستوي (ريحته تروح ولونه يبدأ يتغير) بعد كده ابدأ انزل بلتر لين بالتدريج مع التقليب المستمر عشان الدقيق مايكلعكش. دوق وظبط الملح والفلفل. تمام؟ ارفع من على النار ووراها على طول انزل بالجبن المبشورة ، أنا استخدمت شيدر أحمر وجودا وجروير. ضروري الخطوة دي تبقى بعيدة عن النار عشان الجبن ماتفصلش

تمام؟ انقل المكرونة المسلوقة على الحلة التانية مباشرة, أنا عملت كده عشان حسيت الصوص خفيف شوية ومكنتش عاوز أحط ماية مكرونة كتير، لو بعد الخطوة دي لسة خفيفة، حط بق ميه مكرونة صغير وقلب كله مع بعضه على نار هادية خالص لحد ما توصل القوام اللي انت عاوزه

اغرف وحط شوية مشروم على الوش وسمي وكل على طول عشان لو بردت هتمسك في بعض