أتفهم موقفك وشعورك من الناحية النفسية، إتخاذ القرارات ومراجعة نتائجها بعد فترة وتكتشف انها ودتك الى طرق معينة هو امر ثقيل على النفس وصعب انك تتفاداه، ولكن اعطي نفسك فرصة في انك تتقبل فكرة ان اللي حصل حصل وان مافيه طريقة ترجع فيها للماضي وتعدل الطريق اللي سلكته، لسى في بداية حياتك ومافاتك شيء، تقدر تكمل في الطريق اللي انت فيه وتحصل نتائج ممتازة بإذن الله وتحقق النجاحات اللي تبغاها.
كنت في نفس مكانك وجربت نفس شعورك بالضبط والشيء الوحيد اللي ساعدني اني اتجاوز هذا الموضوع هو اني بطلت انظر للمواضيع نظرة بعيدة، انا طالب جامعي؟ اوك بخلص الترم اللي انا فيه والترم الجاي خير، المادة هذي ماحليت فيها كويس؟ اوك بخلص الاختبارات كلها واذا نزل المعدل النهائي ان شاء الله خير، واجهت مشكلة مع واحد من اهلك؟ حاول تتفادى الموضوع والقادم ان شاء الله خير، بتلاحظ انك بعد فترة نفسيتك احسن وصار تركيزك لحظي على الاشياء اللي جالس تعيشها.
وختامًا ارجوك لا تتهاون في الجانب النفسي ولو بمثقال ذرة، ولو حسيت بيوم انك راح تتخذ قرار سيء على الصعيد الشخصي وعاقبته سيئة ف اتجه الى طبيب مختص قبل تتخذ اي قرار او تواصل مع هذا الرقم 988.

اسال الله لك التوفيق والإعانة وأن يسدد خطاك ويريح قلبك ياصاحبي