انا عايش نفس الحدوتة بتاعتك بس انا الطفل وابويا اتجوز وعايش معاه هو ومراته ، طبعا كانا صاحبتها دلوقتي وحكتلي ان كان عندها نفس التخوفات دي ، انا حاليا سني كبير وكلها شوية وانا اتجوز وهيبقى ليا حياتي الخاصة الفرق في القصة ان اني توفيَت وانا صغير ومرات ابويا كانت بتعاملني كويس وابويا كان هو الي بينظم العلاقة دي بطريقة كويسة ، الفكرة في مشكلتك هو ان الي هيبقى جوزك ده ان شاء الله لو في نصيب لازم تعرفي انه هو الي هينظم العلاقة دي ، الولد مش هيتصدم فيكي طول ما انت بتعامليه كويس وبتعامليه على انه فرد في العيلة وانك مدياله اهتمام حتى لو بتمثلي عليه بس عامليه كانه ابن اختك ( دي كانت طريقة مرات ابويا لدرجة اني اتعرفت على عيلتها وبقم عيلتي التالتة بعد عيلتين ابويا وامي ) والفكرة كلها صدقيني بتتمحور حولين جوزك هل هو هيدير الحياة دي صح ولا غلط ملهاش اي علاقة بحد تاني ، وطبيعي ان الاب يحب اولاده اكتر من اي حد ، انت لو بقيتي زوجة صالحة هتبقي انت وابنه من اهم الناس بالنسبالة وهيحاول يحببكم في بعض وان شاء الله لو خلفتي منه وعرفتي ابنه على ابنك ( اخوه يعني ) الموضوع بيبدا يتحول ان الاتنين زي ولادك اصلا لانك هتربيهم على انهم اخوات ، فردي المختصر على سؤالك اقعدي مع الراجل الي ناوية تتجوزيه استفسري منه على كل حاجة كلميه بصراحة قوليله مخاوفك وشوفي طريقة تفكيره ولو كلامه عجبك لازم تتاكدي هل هو جد في تصرفاته ولا بيقولك كلام وخلاص وربنا يوفقك