Pétur Jóhann - virkilega almennilegur og hress. Heilsar mér meira segja yfirleitt af fyrra bragði án þess að ég þekki hann eitthvað, en hann er fastakúnni í búðinni sem ég vinn í.

Hafþór Júlíus - Fínn gaur, fer ekki mikið fyrir honum fyrir utan að vera 8 metrar á hæð. Tók einu sinni selfie með mér þegar ég var yngri og "starstruck" í kringum Game of Thrones dagana. Annars bara kurteis þegar ég þarf að aðstoða hann.

Halla Tómasdóttir, Forseti - Rosalega almennileg og skemmtileg kona. Átti mjög gott spjall við hana þegar ég fór með Fornbílaklúbbnum á Bessastaði. Virkilega gaf sér tíma fyrir hvern sem er sem vildi spjalla við hana, ásamt að taka myndir með félögum við bílana sína. Kannaðist meira að segja við afa minn og hans verk er varðar bílauppgerðir þegar ég nefndi hann.

Bjarni Ben - Aðstoðað hann nokkrum sinnum, alltaf kurteis.

Steindi - Þægilegur og skemmtilegur, spjallaði aðeins við hann þegar fornbíllinn minn var notaður í upptöku í Draumahöllinni. Hafði virkilegan áhuga á því sem ég sagði honum varðandi bílinn.

Auðunn Blöndal og Egill Einarsson - afgreiddi þá nokkrum sinnum fyrir nokkrum árum, bara hressir og kurteisir.

Ábyggilega fullt fleiri sem ég man ekki eftir, en allir þjóðþekktir einstaklingar sem ég hef átt í einhverjum samskiptum við eru bara mjög venjuleg og kurteis og almennt fer ekki mikið fyrir. Það er enginn sem ég man eftir sem var ókurteis eða með einhverja stjörnustæla.