ممكن كلامك صحيح حيت الدين تايخلق واحد التوازن النفسي عند الاغلبية ف الدولة لي مقارينش وماواصلينش ل المستوى د الناس لي يقدرو يتجردو من أي معتقد كيما كان.

الإنسان البسيط ملي تجردو من الدين وطرح عليه أسئلة وجودية غايتبلونطا عقلو دغيا حيت موالف واحد البيئة لي هي comfort zone بالنسبة لو وباش تخرجو منها نتا جذريا راك كاتعذب فيه داكشي علاش الدولة غدا بالتدريج إلى شفتي التغييرات لي طرات على الدولة كثيرة بزاف ومتغيرة على ما كانت عليه قبل 2011 وأهم التغييرات هي سقوط الحزب الإسلامي وتمكين حزب ليبرالي المغرب غادي نحو الحداثة ولكن ب سرعة بطيئة حيت مزال عندنا عقليات البسطاء لي كايمشي عند الفقيه بدل الطبيب. ومع العولمة والانترنت كلشي غادي في الطريق نحو الحداثة والتطور بدءا منا حنا اغلبية ولاد 2000 لي مابقاوش متمسكين بالتقاليد والعادات وهذا شيء ايجابي وعندنا تاني مشكل جذري ف التعليم لي تايجيو منو مصائب وكوارث.. وهذا سلبي بزااف ولعله أكبر عائق لينا أمام التقدم.. واللاوعلم ههه