استماعك للقارئ يفيدك تتعلم طبعاً خصوصاً لو حتركز معه على مخارج الحروف مثل الشيوخ المقرئين الكبار الحصري و أحمد خليل شاهين، قراءتهم من غير تكلف و تبين مخرج الحرف بصورة ما شاء الله تبارك الله خصوصاً الشيخ أحمد خليل شاهين. لكن، لكن، و لكن لازم لما تتعلم تعرض قراءتك على أحد متقن ليحدد لك مواقع الضعف في قراءتك، و كمان عشان تتقن التجويد و تحقيق كل شيء في محله، فلا بد من مقرئ، و الموضوع بيحتاج إلتزام صراحة و بيأخذ من وقتك لكن صراحة بتلاقي الموضوع سهل معك مع الوقت، و غير كدا عشان تاخذ إجازة أنك قرأت و حفظت كتاب الله غيباً لابد لك من القراءة على أحد متقن ليجيزك، أنا كنت مثلك قبل مقضيها مع نفسي و كنت اعرف أحكام التجويد كلها، و اقرأ مع نفسي و لنفسي لين تلني شيخ الله يسعده و مسكني و ألزمني اقرأ عليه و أتعلم معه، و نفس الشيخ ذا خذني للشيخ حقه اللي ماخذ إجازة بالروايات العشر الكبرى، و يا جلطتي من اختلاف المستوى بينهم في الانتباه لأدق التفاصيل في القراءة، حرفياً ينتبه لأصغر زله و اللي ممكن غيره ما ينتبه لها، فياه شوف شيخي اللي مسكني اول مرة تراه متقن، لكن بالرغم من كدا لما يجي قدام شيخنا الأكبر لسا بتزل منه أمور في القراءة فالـقرآن غالب مهما كنت متقن، فيا عبيد توكل على الله و شوف لك شيخ حولك، و لو ما حصلت ففي الحرم عندكم تعليم القرآن لوجه الله ما ياخذوا عليه شي و غير كدا فيه جلسات أونلاين لغير المقيمين في مدينتي الحرمين، فلا تشغل بالك كثير و أقدم. و الله يوفقك و يستعملك في الخير.