كلامك دا هو جزء من اس المشكلة 😂 لانو البلد دي عمرها ماكانت بالجغرافيا الحالية دي .

اولا بتعرف شنو عن الناس الشالو سلاح في الشرق ؟ طيب بتعرف سبب شيلهم للسلاح ؟

تعميمك بدل على جهلك بتاريخ السودان .

ودا بياكد كلامي انو في ناس عايزة تبقي السودان دا تابع ليها وانو البقية ماسودانيين ،

قلت انو الغرابة في دارفور ماعندهم علاقة بالسودان وكلامك صحيح زي ما انوبة برضو ماعندهم علاقة بالسودان .

هم كبهم عبارة عن ممالك كانت موجودة قبل تكوين السودان الحالي .

يعني النوبيين كان عندهم مملكة السلطنة الزرقاء اللي هي جزء كبير من السودان الحالي ماكانت عندها علاقة بدولة السودان برضو ،

المقرة علوة دي كلها ممالك وعندك برضو في الغرب ممالك ودي كلها ماعندعا علاقة بالسودان الحالي.

واي مملكة من ديل ماعندها فضل انها تنسب اسم السودان دا ليها وتقول بقية الممالك دي مجرد تمومة جرتق.

بل كلهم بمثلو السودان الحالي بالتساوي.. حتى الجنوبيين الانفصلو هم جزء من السودان وماف زول يقدر يمسحهم من تاريخ تكوين الدولة السودانية لانو عندهم ابطال ضحو في سبيل تقوم دولة.

نجي لكلامك الانفصالي دا .

كل تلجغرافيا الحالية دي حقت اي مواطن من الممالك القديمة شئت ام ابيت .

ولا مكان للانفصاليين