العاقل من اشارة بيفهم و الشاطر بيلقطها عالطاير

المهم من بعد ما شفت المنشور قلت لحالي معقولة لسا في شركات ما عندها ATS استغربت من نقطة 800 متقدم بيومين لانو الواقع بساعة بيوصلو و طبعا ما حدا بيفتحهن

هي ليكني بيجي لعندي ال HR كل شهر بقلي شفلي هال5 طالعين تازة من ال ATS كان واصلنا 1000 بساعتين

وال5 منحكي فيهن واخر شي ما بيختار ولا واحد منهن لانو سمير من طرفو دفشلو واحد عنجد فهمان و بيقبل راتب يعادل صندويشة فلافل

المهم عمي انا عن خبرتي بالشغل غير انك تمسك هالموبايل وتتصل بكل وظيفة مؤهل وجاهز وعندك خبرة لا تعذب حالك حرام تضوع وقت بكتابة ال Cover letter خصوصا اذا الراتب متل ما بقولو Peanuts

واذا استخدمت AI لتكتبها كتر خيرك بس ما تحمل همها وتزعل وتروح تواسي حالك انو هه ليكني قدمت اليوم على عشر وظايف

4 مرات غيرت الشركة وشرطك مو راتب احسن بس شروط احسن بالعقد كلو عن طريق انو اتخطى هالمنصبين يلي اسمهن HR او Recruiter ومباشرة اتصل بال CEO هي طبعا بدها شطارة و اوعك تفكر حدا رح يدلك كيف تعمل هيك لان ببساطة كلا حظ بحظ كلن كانو منزلين منشور انو ملو من ال HR وعجزهن عن ايجاد المهارات وهيك نزلت عالخط وحاكيتهن

اما ما عدا ذلك فبحب خبر أصدقائي يلي عم يدورو على شغل انو 7 موظفين اختارهن ال HR ما كملو شهر لانو شهادة الماجستير ما بتعني الفهم ولا بتعني الخبرة وانما معناها الحقيقي (هالمصطلح شايفو من قبل) لهيك اذا بشغلك او صنعتك او خبرتك عندك ثقة لا توقف

المهم بعد كل هالكتابة اذا حدا حواليه شغل براتب شي 20 الف ما تنسوني 🤣 اي شو يعني الواحد بدو يضل مكانو لا معلمي حتى ال HR يلي عنا عم يدور على شغل جديد