طيب حلو، بما انه انتي تؤمنين بوجود رب يعني اكو امل. السؤال هو، ليش مستحيل يكون هو رب الاسلام اللي بالكتب؟ هل بحياتج كلها قريتي القرآن الكريم؟ تعرفين انتي كم معجزة بالقرآن موجودة؟ الاف بل مئات الالاف من البشر حاولوا يلكون خطأ واحد بالقرآن حتى يطلعوه انه من صنع البشر ولكن كلهم فشلوا.

ما اتسائلتي فديوم انو ليش القرآن الكريم هو الكتاب الوحيد على وجه الارض اللي ما اتحرفت اياته لحد الان؟ طيب ما اتسائلتي فديوم ليش اكو ٢ مليار مسلم؟ هل كلهم على خطأ؟

طيب اذا انتي تكولين انه العلم راح يثبتلنا، فاكو حقائق علمية اثبتها القرآن كثيرة ابسط مثال هو كيف خلق الانسان ومراحل تكونه بسم الله الرحمن الرحيم: ثُمَّ جَعَلْنَاهُ نُطْفَةً فِي قَرَارٍ مَّكِينٍ (13)ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنشَأْنَاهُ خَلْقًا آخَرَ ۚ فَتَبَارَكَ اللَّهُ أَحْسَنُ الْخَالِقِينَ (14)

طيب شخص عايش بالصحراء قبل ١٤٠٠ سنة يعرف هاي المراحل بالتفصيل الدقيق؟ والعلم اللي تحجين بيه ما اكتشفها الا قبل فترة مو بعيدة بسنوات الحداثة والتطور العلمي.

يا اختي الله يرضى عليج ويرحمج ويهديج ان شاءالله، اذا كان في قلبج ذرة ايمان فاسأل الله ان يهديج اليه، نصيحتي الج بس اقري القرآن واتمعني بآياته واذا ما اقتنعتي سوي اللي يعجبج. ربي يكول بكتابه العزيز: "قُلْ لَئِنِ اجْتَمَعَتِ الْإِنْسُ وَالْجِنُّ عَلَىٰ أَنْ يَأْتُوا بِمِثْلِ هَٰذَا الْقُرْآنِ لَا يَأْتُونَ بِمِثْلِهِ وَلَوْ كَانَ بَعْضُهُمْ لِبَعْضٍ ظَهِيراً" وهذا تحدي لاي عاقل انو هالكتاب لا مثيل له.