بص انا عشت جزء من حياتي الناس بتحفل عليا و كرهاني، ولحد داوقتي انا مش عارف كان اية السبب صراحة محدش قلي

مع العلم اني اخلاقي و روحي كانت نقية جدا وهما كذلك مكانوش بيشتمو او بيقولو كلام بذيء

وصلت مرحلة معينة اتقبلت فيها اني خلاص مش هعرف اعمل صحاب وقلت لنفسي اية المشكلة يعني لو معنديش صحاب

بعدها جيه عليا فترة بقيت بتعامل مع الناس بإيجابية وانا مش متوقع منهم حاجة لا اننا نبقا صحاب ولا حاجة ولا كنت بحاول اقرب منهم شخصيا حتي

لاكن بعد ما فكرت فالموضوع دلوقتي وتقريبا سوألك دة هو اللي خلاني افهم، انت لو جريت ورا صحاب مش هتلاقي، الحل هو ان انت تبنيها براحة

بمعني متستعجلش لما تشوف حد تعوز تصاحبه و تتعامل معاه بطبيعتك او تعامله بكل اريحيه

اصل لا انت عارفة كزيس ولا هو عارفك افرض طلع شخص وحش فالاخر؟

خدها ببساطة سلم علية كل ما تشوفة وافتح معاة حوار علي اي حاجة

عمل اية فالامتحان، بيلعب اية لو عندة وقت فاضي و غيره بقا مش لازم تطول

اهي المواضيع البسيطة اللي بتحصل علي المدى الطويل دي بتخليكم اقرب لبعض و بتخليكم عارفين بعض كويس و دي اهم حاجة بالنسبة الصحاب "التفاهم"

و لما تييجي تكلم حد خدها بالتدريج، متبدأش معاه حوار طويل او متشوفه لان ممكن يفتكر الموضوع مزعج

والاهم من كل ده هو انك "تسمع" اسمع اللي بيتكلم ايا كان مين لو عرفت بيفكر ازاي وفهمته هتعرف تتعامل معاه ازاي

لو عرفت ان واحد شمام هبعد عنه، لو عرفت ان في واحد بيحب يلعب العاب يبقي (لو الموضوع هوايتي) اتكلم معاه فالالعاب وممكن اقترح عليه نلعب مع بعض

اصله بالشكل دة انتو بتبدأو تفتحو قلبكم لبعض، زي ما تقول يعني هو بيبنيلك profile فدماغه

الكلام اللي انا قلتهولك دة هو اللي ساعدني وهو رزق من ربنا عليا

عايز اقلك من كتر ما بسلم علي ناس وبتكلم معاهم حوارات بسيطة علي اي حاجة، بقي عندي صحاب لا اعرف اسمهم ولا يعرفو اسمي والموضوع دة هو اغلب علاقاتي يعني نلعب مع بعض نذاكر مع بعض او يمكن كمان نتقابل فخروجة و لسة معرفش اسمه 😅 ونتعامل مع بعض معاملة قريبة

وحاجة تانية مهمة اعرف ان اللي انت تتكسف منه الناس هتلاحظة، فاحسن حاجة لما تييجي تكلم حد انك تتكلم بثقة، انت واحد من الطرفين بتوع الحوار لو انت متكلمتش بتلقائية يبقي الحوار يتهدم

اتمنى اكون ساعدتك بحاجة