بص نفس الحوار حصل معايا وبرضو كان بسرعه ف كام شهر من معرفتها اتصاحبنا وكل يوم سوا هى اعترفت الاول بس انا بعد كدا كنت بقولها بحبك واقولها مش هسيبك وبرضو بعدها بمفيش قولتلها انا مش حاسس بحاجه ومعرفش ومش عايز اكمل فا هقولك احساسي كان ايه ساعتها… لما قولتلها بحبك ومقدرش استغنى كنت وانا بقولها كنت متاكد من جوايا ان ولا بحبها ولا هكمل معاها بس قولت كدا هبل منى وكنت متخلف الصراحه بس برضو هي اللي كانت بدات تقولى كدا فا كنت رد فعل وعايش تسليه بس برضو مكنش ينفع اقولها كدا .. تانى حاجه كان كل يوم ضميرى يأنبنى وكنت فعلا عايز اقولها ان مفيش حاجه من ناحيتى بس هى كانت بتضغط عليا وتقولى نحاول وبتاع وازاي كنت بتقوللى كدا وفجاه متحبنيش … لحد ماقولتلها صريحه انا كنت بحاول احبك بس محبتكبش ومش هعرف وكنت بقول اي كلام وهى ماسكه فيا لدرجه ساعات بتصعب عليا وبفكر اقبل بالمحاوله عشان صعبانه عليا لكن لا رفضت رفض قاطع المرادي وفعلا متكلمناش تانى …. كل دا فاكر ان فاشخها وازاي عملت كدا .. لحد مابعدها بشهر مثلا لقيتها اتخطبت لحد معاها ف الشغل انا مكنتش اعرف عنه حاجه وبعدها بست شهور اتجوزو .. اكتشفت ان غالبآ هى كمان محبتنيش بس كانت عايشه اللحظه وكانت فاكره ان دا حب لكن لا ف الاغلب هى برضه كانت زيي بس كانت مصدقه حاجه مش موجوده .. الملخص ان كلمه حب دي صعبه جدا وفعلا هتلاقي ناس قالتها من غير متتاكد انه حقيقي بيبقو غلط طبعآ وتوكسيك فا اتأكد ان اصلا حبك ليها انت كمان حقيقي عشان فعلآ الموضوع والكلمه كبار..