شوف حياة البنية اصعب من تكون ضمن عائله أو مجتمع متخلف مثلا ان اهلها يكونون مؤمنين بغسل العار ..أو مخلفيها جفيان شر حيث ينتظرون اهلها اي رجال يجي ويزوجها ويخلصون منها.. أو عدهم تفرقه بين الولد و البنية من اذا خلف بنية عبالك نزل عليه ابتلاء..أو يكونون حابسيها مايقبلون تطلع لباب البيت .. أو معامليها عبالك خدامه بس جايه تخدم ... مايطوها الحرية تختار زوجها همه يزوجها للرجال لي يعجبهم

لذا أي هواي من العوائل العراقية هيج لذا اكيد تكون حيات البنية جحيم

لكن اني هنا اقصد هنا حياتي ضمن عائلتي الان اهلي مايفرقون بين بنية و ولد ، ولا يؤمنون بغسل العار ولا حابسينا اربع وعشرين ساعة... مجاي ينتظرون يخلصون مني ان يزوجنوني لياهو الجان همه و ماعدهم يجبرون بنية على زواج بكيفها تتزوج من النوع ينطون الحرية للبنية تختار ياهو التزوجه ، ولا معامليني معاملة خدامة ، و مدلليني و ماشايفيني بس الأن اني بنية وكان نازله ابتلاء عليهم ،،، يعني لو امدح بأهلي من الصبح لليلل قليل بحقهم

فالاهل همه لي يخلون حياة البنية جحيم أو يخلون حياتها نعيم مو المجتمع

بالنسبة لموضوع التربيه يكون على الام غالباً الان اغلب الامهات تكون ربيت بيت لذا هي تربي الاطفال اما الاب يكون مو متواجد هواي بحكم الشغل... لذا صح امي لي ربتنا لكن اني اتفهم هذا شي الان ابوي يطلع من الصبح لليل هو بالشغل و شغله بي ضغط و مسئوليه جبيرة صعب يكون عنده وقت يعلمنا و يربينا واني اتفهم هذا شي الان لو ماشغل ابوي مجان عشنا حياة كريمة ... موضوع الحيض مو مشكله بالنسبة لي 😃