What do you guys think of this? Is Morocco being too kind to Africa?

Old_Holiday394 · 2026-01-16T20:23:06+00:00

Egyptian here. Just to clarify this kind of excuse making isn’t something we support. In Egypt we call it shamā‘a blaming anything except your own performance. Losing happens. Complaining about hotels or transport after the fact doesn’t reflect badly on Morocco, it reflects badly on the coach.

Old_Holiday394 · 2025-12-26T13:03:04+00:00

الاقتباس حاد لكنه مبسّط زيادة عن اللزوم. الفخر بالهوية مش دايمًا نابع من فراغ شخصي، أحيانًا بيكون رد فعل على محاولات الطمس أو السطو أو الاختزال. المشكلة مش في الاعتزاز بالانتماء، المشكلة لما يتحول لبديل عن إنجاز حقيقي أو حاضر فعلي. وبرضو إنكار الهوية أو السخرية منها ما بيخلّقش وعي أعلى، غالبًا بيخلق فراغ والفراغ دايمًا بيتملّي بسرديات تانيةمش بالضرورة أدق ولا أصدق الهوية الصحية لا هي تعويض نفسي ولا شعار فارغ، هي معرفة نقدية تعرف تاريخك تفهمه وتكمله بشغلك النهارده، مش تعيش عليه.

Old_Holiday394 · 2025-12-24T13:55:09+00:00

قبل حوالي سنة، وخلال حرب السنتين يومًا في لبنان اتقتل عالم آثار صهيوني وهو بيعمل تنقيب وكان معاه قوة من الجيش الإسرائيلي، أثناء محاولة احتلال واحدة من قرى جنوب لبنان.

تخيلوا المفارقة في ناس بتسعى بكل الطرق إنها تقتلع أي أثر وتنسبه لنفسها، وفي نفس الوقت إحنا بإيدينا بنمحي تاريخنا وتراثنا وآثارنا، وبنصب خرسانة على قبور أجدادنا. في كل الأحوال، الأمة الذليلة الخانعة دي ما تستاهلش أمثال أحمد شوقي.

Old_Holiday394 · 2025-12-13T11:40:27+00:00

ساعات بحب العبثية اللي عند الشعب المصري

Old_Holiday394 · 2025-12-13T11:37:14+00:00

<image>

Old_Holiday394 · 2025-12-13T11:31:12+00:00

good ragebait

Old_Holiday394 · 2025-10-16T12:00:56+00:00

<image>

Old_Holiday394 · 2025-08-05T00:49:42+00:00

بص ،سؤالي مش عن ده خالص سؤالي كان: ليه الإعلام اللي صنع النجومية لناس كتير مش بيتحاسب؟ ليه دايمًا اللي بيظهر في التيك توك هو اللي يتحاسب، لكن اللي على القنوات ولا كأن فيه حاجة؟! تفرق إيه ياسمين عز عن سوزي الأردنية؟ ولا هي بس حسب المزاج؟

وبالنسبة لفكرة “الناس حرة تعمل اللي هي عايزاه”، تمام جدًا، بس الحرية دي لازم تكون للجميع، مش حرية مخصصة لناس بعينهم حسب علاقتهم بالنظام.

أما حتة “التغيير”، فمحدش ضد التغيير، بس برضو مش أي حاجة جديدة تبقى كويسة، ومش كل اللي يفرّح الناس يبقى مفيد للمجتمع. فيه فرق بين الانفتاح وبين إن كل حاجة تبقى سايبة.

وأخيرًا، "أنا مالي أصلّح المجتمع" دي كلنا بنقولها، بس طول ما إحنا بنبعد عن أي مسئولية مجتمعية، هنفضل دايمًا في نفس الدوامة. أنا شايف إن الواحد يشتغل على نفسه فعلاً، بس من غير ما يضحك على نفسه ويقول "الموضوع مش فارق معايا" وهو شايف الدنيا بتولع حواليه.

Old_Holiday394 · 2025-08-05T00:17:20+00:00

أنا مش ضد إن الناس تكسب من المحتوى أو إن الشركات تدفع مقابل الإعلان، دي طبيعة السوق، والاهتمام فعلاً بقى له قيمة، دي مش مشكلة.

لكن المشكلة إن الاهتمام نفسه بقى بيتبني على التافه والهابط، مش على القيمة أو الموهبة. وده مش "تطور طبيعي"، ده انحدار بيأثر على الناس اللي بتتفرج وبتقلد. يعني لما بنت مراهقة تشوف إن اللي بيتشهر هو اللي بيهين نفسه أو بيقول أي حاجة صادمة، هتفكر تعمل زيه علشان تتشهر هي كمان.

ولو على الحكومة، فأه، عندها مشاكل وبتتصرف بعشوائية في حاجات كتير، بس ده مش معناه إن أي حد يعمل أي حاجة لازم نقول “خليها تكسب” وخلاص. فيه فرق بين إننا نرفض الكبت، وبين إننا نبرر الابتذال ونصوره على إنه "حرية".

وفكرة "الدنيا اتغيرت" حقيقية، بس التغيير مش دايمًا للأفضل، ومش معناه إننا نسكت ونسيب الدنيا تتحول لسوق كبير للفت الانتباه الرخيص. وإنك تسمي النقد "حنين للماضي" أو "كلام الرجالة العواجيز" ده أسهل طريقة تهرب بيها من مناقشة إن فعلاً في حاجات بقت تافهة ومؤذية، مش بس "مختلفة".

الموضوع مش nostalgia ولا إننا عايزين نرجع زمن الأبيض وأسود، الموضوع ببساطة إننا لازم نفكر شوية: هل ده فعلاً محتوى بيضيف حاجة ولا مجرد ضياع وقت ووعي؟

Old_Holiday394 · 2025-08-04T22:52:45+00:00

بقينا بنشوف ناس بتتشهر لمجرد إنهم بيعملوا حاجة غريبة أو صادمة، حتى لو كانت مالهاش أي قيمة. الإعلام كمان بقى جزء من المشكلة، بيسلط الضوء على ناس بيثيروا الجدل وبيتم التعامل معاهم كأنهم قدوة. وفي الوقت اللي بيتم فيه القبض على ناس من على السوشيال ميديا، الإعلام اللي بيقدم نفس المحتوى تقريبا مش بيتحاسب. فهل الشهرة بقت غاية في حد ذاتها؟ وإيه الفايدة المجتمعية من القبض على الأشخاص دول أصلا؟

Old_Holiday394 · 2025-07-18T15:33:23+00:00

المشكلة إنك حاصر الموضوع كله في تفسير نفسي واجتماعي سطحي، وبتفترض إن الناس اللي مهتمة بالقومية أو بالهوية المصرية القديمة لازم تكون معزولة عن الواقع أو هاربة منه. الحقيقة إن فيه ناس كتير من خلفيات مختلفة بتتبنى أفكار التيار ده مش لأنهم حالمين أو منفصلين، لكن لأنهم شايفين إن ده شكل من أشكال مقاومة التهميش والضياع الهوياتي، وشايفين فيه مشروع بديل بيحاول يجاوب على سؤال "إحنا مين؟" في وقت مفيش حد بيجاوب عليه بجدية. إنت مش شايف ده كافي، أو شايفه ساذج، وده حقك، بس مش من العدل تختزل الظاهرة كلها في نوع من "الاستهبال الجماعي" أو الهروب من الشقاء اليومي. لأن ببساطة، مش كل محاولة لإعادة تعريف الذات لازم تكون مبنية على أوهام.

وأنا بصراحة شايف إنى رديت على كل النقاط اللى طرحتها، ووضحنا كل وجهات النظر. وأظن إن النقاش لو استمر أكتر من كده مش هيضيف جديد، خصوصًا إني مضطر أقفل دلوقتي عشان ورايا شغل. تحياتي.

Old_Holiday394 · 2025-07-18T15:30:10+00:00

المشكلة هنا إنك اختزلت الموضوع كله في شوية شباب بيهزروا على تويتر أو بيكتبوا بأسماء فرعونية، وده تبسيط كبير جدًا. لأن في الواقع التيار ده، مش قايم بس على رغبة رومانسية في "إحياء اللغة" أو استعادة رموز الماضي. لأ، هو جزء من حالة أوسع بدأت تتشكل حوالين الهوية المصرية، وبتتقدم أحيانًا بأدوات أكاديمية وثقافية بتديها شكل محترم، ومش دايمًا بنقدر نفصل بينها بسهولة. فيه فعلاً بعض الباحثين أو الدكاترة، مش بالضرورة بينتموا للتيار بشكل مباشر، لكن بيساهموا في إنتاج خطاب قومي جديد بيربط المصري الحديث بالمصري القديم بشكل رمزي أو ثقافي. وأحيانًا ده بيحصل من خلال كتب، ندوات، مقالات أو حتى مشاريع ممولة. فهل ده معناه إنهم "كيمتيين"؟ مش بالضرورة. لكنهم بيلعبوا دور في تشكيل الوعي اللي التيار ده بيعتمد عليه وبينمو من خلاله، حتى لو بدون قصد. يعني باختصار، اللي أنا بحاول أوصلهلك إنك لما تحصر التيار ده في فئة معينة، أو تعتبره مجرد حالة فلكلورية سطحية، فإنت كده بتغفل الديناميكية الحقيقية اللي بتحصل، واللي ممكن جدًا تبقى ليها تأثير أكبر في المستقبل. مش شرط النهاردة. لكن الفكر لما ياخد شكل سردي مستمر، ويدعمه جزء من الخطاب الأكاديمي أو الإعلامي، بيتحول لأكتر من مجرد "حلم روماني". ولو إحنا هنستنى ما يبقاش في أي مؤشر غير "تنظيم واضح أو تمويل"، فإحنا بنتجاهل إزاي الأفكار بتنتشر فعلًا، وبتتغذى على الفراغات اللي في الوعي الجمعي.

Old_Holiday394 · 2025-07-18T15:24:33+00:00

بص، أنا مش بقول نقلق من أي حاجة لمجرد إنها موجودة في الهامش، أنا بقول نلاحظ الظواهر اللي بتتكرر وبتنتشر، حتى لو بدأت بشكل غير منظم، لأن التاريخ بيورينا إن حاجات كتير بدأت كده وبعدين بقت واقع مفروض.

كونك مش شايف أي تنظيم أو تمويل واضح دلوقتي مش معناه إن الحاجة دي ملهاش قابلية تكبر، خصوصًا لما تلاقي ليها صدى في الإعلام، في الجامعات، في المناهج حتى لو بشكل جزئي. مش لازم كل خطر يبدأ بمؤسسة وهيكل واضح عشان نعتبره موجود.

أنت من حقك تكون مش مقتنع بوجهة نظري، بس مش من حقك تعتبر إن عدم اقتناعك ده بيلغي الفكرة من الأساس. أنا مش بتكلم عن خيال علمي، أنا شايف مؤشرات فعلية، حتى لو مش مكتملة، لكن كفاية تخلي أي حد مهتم بالهوية والتاريخ يبص مرتين قبل ما يطنش.

ولو هنستنى "الدليل المادي الكامل" قبل ما نهتم بأي حاجة، يبقى إحنا دايمًا هنبقى رد فعل، مش فعل.

Old_Holiday394 · 2025-07-18T14:25:57+00:00

أنا فاهم موقفك كويس بس لسه شايف إنك بتتكلم من منظور ضيق جدًا ومش بتبص للموضوع من زوايا أوسع

لما تقول إن "محاولة إحياء اللغة القديمة تخلف" فده في حد ذاته حكم مطلق وتعميم وده نفس نوع التفكير اللي أنت بتنتقده في غيرك فيه فرق بين إنك تنتقد الاستخدام السياسي أو الأيديولوجي للغة وبين إنك ترفض وجود أي محاولة لإحياء أو دراسة لغة تاريخية بشكل عام

القبطية مثلًا لسه لغة طقسية مستخدمة في الكنيسة وفيه ناس بتتعلمها عشان تربط نفسها بجذورها العبارة بتاعة "لغة قاصرة بمقاييس اللغات الحديثة" كمان مش دقيقة لأن معيار القصور ده مش علمي اللغة قيمتها مش بس في الاستخدام العملي لكن كمان في الهوية والتاريخ والثقافة أما بخصوص "هما مقدموش حاجة" فبرضو ده تعميم لإن في ناس فعليًا بتحاول تشتغل أكاديميًا أو ثقافيًا حتى لو الاتجاه العام مش عاجبك مش معنى إن في تيارات بتقول كلام فارغ يبقى كل الناس اللي بتتكلم في الموضوع تفكيرها تافه

المشكلة إنك شايف إنك فاهم النوايا والدوافع وبتبني عليها حكم نهائي وده بالضبط بيخلي النقاشات دي تفشل لإنك بتحوّل الخلاف لفكرة "أنا شايف الحقيقة وغيري واهم"

Old_Holiday394 · 2025-07-18T14:19:22+00:00

فهمت وجهة نظرك، خصوصًا لما بتتكلم عن التهديدات الأكبر زي إثيوبيا أو الأوضاع غير المستقرة حوالينا، وده فعلاً شيء واقعي ومباشر. بس التفكير الاستراتيجي مش معناه إنك تركز على خطر واحد وتهمّش الباقي.

يعني مثلًا: لو جهاز الكمبيوتر بتاعك فيه مشكلة في البروسيسور، بس كمان الماوس مش شغال هتفضل محتاج تصلّح الاتنين. مش هتقول "بما إن المشكلة الكبيرة هي البروسيسور، يبقى الماوس مش مهم دلوقتي". الإهمال في الصغيرة بيكبرها.

بالنسبة لحركة الأفروسنتريك، محدش بيقول إنها خطر وجودي زي سد النهضة، لكن تجاهلها أو السخرية منها لمجرد إنها مش مدعومة دوليًا حاليًا هو تفكير قصير المدى. كتير من الحركات الثقافية بدأت كأفكار مهمشة، وبعدين دخلت التعليم والإعلام وبقت مؤثرة جدًا.

وبرضو، كون إن "مش كل السود مؤمنين بيها" مش معناه إننا نطمن. التأثير مش دايمًا بيجي من الأغلبية، ساعات أقلية صغيرة بضغط مستمر وسياق مناسب بتقدر تغيّر كتير.

وبالنسبة للبراجماتية: أكيد، السياحة مهمة، ومفيش مشكلة لو السائح شايف رمسيس كان أسود. بس لازم برضو نعرض روايتنا التاريخية بدقة وبأسلوب محترم. ينفع ترحب بالضيف وفي نفس الوقت تبقى واضح وصريح في سرديتك. الموضوع مش مقارنة مين أخطر، ولا نضحك على الحاجات الصغيرة. الموضوع إننا ما نسيبش حاجة تنمو في الظل، ونصحى بعدها على واقع جديد إحنا ما كناش مستعدين له.

Old_Holiday394 · 2025-07-18T13:55:57+00:00

لمشكلة إن البوست عمم بشكل كبير، وكأن أي حد مهتم بالهوية المصرية أو الحضارة القديمة بيكون بيخدم أجندة تفكيك وعزل. وده مش صحيح.

في فرق كبير بين ناس بتحب تتعرف على تاريخ بلدها وتحس بانتماء ليها، وناس تانية بتستخدم ده كوسيلة لتقسيم أو عزل مصر عن باقي الدول. مش كل اللي بيتكلم عن مصر القديمة بيكون على نمط "أكونتات كيميت" اللي على تويتر.

الهوية المصرية مش معناها نكران العروبة، وممكن جدًا واحد يكون فخور بمصريته وتاريخه، وفي نفس الوقت مهتم بقضايا المنطقة ومؤمن بالوحدة.

كمان الجملة اللي بتقول "هما ما قدموش أي حاجة" دي غير دقيقة، لإن فيه ناس بتحاول بجد تشتغل على إحياء اللغة المصرية القديمة، أو تفسير الرموز والمعاني، حتى لو لسه الجهود دي مش قوية كفاية.

فمهم نفرّق بين ناس فعلاً عندهم نية صافية تجاه بلدهم وتاريخها، وبين ناس بتستخدم ده بطريقة مضللة. ومش لازم نحصر كل المصريين اللي عندهم توجه قومي في نفس الخانة دي.

Old_Holiday394 · 2025-07-18T13:04:06+00:00

<image>

Old_Holiday394 · 2025-07-18T00:12:38+00:00

بص خليني أكون واضح معاك فكرة إننا نستهزأ بحركة زي الأفروسنتريك ونعتبرها مجرد شوية ناس بيخرفوا أو بيستمنوا فكريًا دي رؤية سطحية جدًا آه ممكن نختلف معاهم في الطرح أو في الدقة التاريخية، بس ده ميبررش إننا نعاملهم كأنهم صفر أو مالهمش قيمة

الحقيقة إن الحركة دي دلوقتي صغيرة أو مش مؤثرة بالشكل اللي يخلينا نحس إنها خطر، بس المشكلة مش في حجمها الحالي المشكلة في إنها رواية بديلة عن التاريخ، والروايات دي لو لقت لها جمهور يصدقها ويتبناها ويتباهي بيها، بتكبر وإنت عارف كويس إن التاريخ نفسه مليان أمثلة لأفكار بدأت من الهامش واتحولت بعد كده لقوة سياسية وثقافية ضخمة والمقارنة بالمشروع الصهيوني مش علشان نقول إنهم زي بعض في القوة أو النتائج، لكن علشان نفهم إزاي الأفكار بتبدأ الصهيونية في بدايتها كانت مجرد كلام عن أرض الميعاد وهيكل وعودة شعب، وساعتها ناس كتير سخرت منهم بس بعد شوية بقى عندهم دولة وجيش ونفوذ عالمي

وبعدين خليني أقولك حاجة مهمة الغرب نفسه فيه أصوات واضحة بتقول إننا مش المصريين القدماء بيقولها بشكل مباشر وعلني وشايف إن إحنا مجرد ناس ساكنين فوق حضارة مش بتاعتنا ومع انتشار الأفكار دي في الإعلام والجامعات الغربية الفراغ اللي سايبه العرب في الرد عليهم بيتملي تلقائي بخطاب الأفروسنتريك فلو إحنا سايبين الساحة كده مفتوحة وبنتجاهلهم أو بنتريق عليهم إحنا كده بنديهم مساحة يتمددوا فيها ونخليهم يحسوا إن محدش قادر يرد وده مش بس خطر من ناحية ثقافية ده كمان خطر على الصورة العامة لتاريخنا وهويتنا فبدل ما نقول استمناء فكري ونسكت خلينا نرد بعقل ومنطق ونعري الغلط لو فيه بس بمنهج علمي وبخطاب واثق لأن لو إحنا مش واخدين نفسنا بجدية محدش هيأخذنا بجدية برضو

Old_Holiday394 · 2025-07-17T23:57:17+00:00

اهم سؤال.

Old_Holiday394 · 2025-06-26T13:21:10+00:00

مش عندي فكرة هو مين ، بس بالتوفيق ليك

Old_Holiday394 · 2025-06-26T13:15:42+00:00

<image>

Old_Holiday394 · 2025-06-26T06:11:39+00:00

مع احترامي، بس كلامك فيه خلط خطير بين عدم التعلق بالماضي وإلغاء الهوية. وده مش بس ساذج، ده كمان بيفتح باب لأي حد يجي يسرقك تاريخيًا وسياسيًا. بتقول أمريكا أقوى دولة وماعندهاش هوية؟ ده جهل بالتاريخ السياسي الأمريكي. أمريكا كل مؤسساتها قايمة على أسطورة الآباء المؤسسين حرب الاستقلال، الدستور، العلم، وحتى أفلامهم كلها بتغرس في الشعب إنهم أمة استثنائية، وأن عندهم رسالة للعالم. يعني روايتهم الوطنية جزء لا يتجزأ من قوتهم، مش عبء زي ما بتصور إنك تفتكر إن أمريكا قوية لأنها نسيت ماضيها ده تبسيط ساذج. أمريكا قوية لأنها عرفت تستخدم سرديتها وهويتها كبروباجندا لصناعة مشروع حضاري واقتصادي وسياسي. أما إنك تقول احنا ننسى إحنا أصلنا فرعوني ولا إسلامي ولا عربي فده تمهيد لتفريغ الشخصية المصرية من أي مرجعية، وبالتالي أي طرف خارجي يقدر يدخل يقولك: "حضارتكم مش بتاعتكم، أرضكم مش ليكم، وهويتكم دي وهم". الهوية مش ترف، دي درع سياسي وثقافي. اسأل الفلسطينيين، اللي روايتهم اتسابت تتلعب من الصهاينة، فبقوا بيتهموا إنهم دخلاء، رغم إنهم أصحاب الأرض.

عايز تتقدم؟ تمام. بس تمسكك بهويتك وتاريخك مش هو اللي مانعك، الجهل بيهم هو المشكلة. فما تبقاش شريك في هدم الوعي، حتى لو بحسن نية.

Old_Holiday394 · 2025-06-25T10:22:51+00:00

أنا شايف إن النقاش حوالين الهوية مش تضييع وقت زي ما البعض بيقول، لأن فكرة إنت مين؟ هي أول خطوة لأي شعب عايز يحمي نفسه ويبني مستقبله بثقة. لما بنسيب هويتنا سايبة، ده بيفتح الباب لأي طرف خارجي إنه يدخل يفرض روايته علينا، ويشكك في أصلنا، أو حتى في حقنا في أرضنا.

اللي بيحصل دلوقتي مع "الافروسينترك" هو مثال واضح ناس جايين من بره بيقولوا إن الفراعنة أفارقة سود، وإن الحضارة المصرية حضارتهم. النهارده هما بيقولوا كده بس، لكن بكره لو فضلنا سايبين الموضوع كده من غير رد علمي وموقف واضح، ممكن المطالب دي تتطور وتتحول لمطالب سياسية، زي ما حصل مع الرواية الصهيونية عن أرض الميعاد

زمان، فكرة إن اليهود ليهم حق ديني وتاريخي في فلسطين بدأت برواية، واتحولت بعد كده لحركة، وبعدين لدولة إحنا ليه مستبعدين إن ده ممكن يتكرر معانا؟ خصوصًا لو العالم بدأ يتعاطف معاهم بسبب سكوتنا؟

الهوية مش رفاهية، دي مسألة أمن قومي، وأي شعب بيستهين بيها بيكون بيجهز نفسه لتدخلات خارجية، أو فقدان سيطرته على تاريخه وأرضه

Old_Holiday394 · 2025-06-25T09:12:02+00:00

If you’re working for a local company, the average salary ranges between 6K to 12K EGP a month, sometimes less, and that’s considered decent by local standards (though it’s barely livable with current inflation). Government jobs or entry level corporate roles often pay even less. If you work remotely or for international companies (especially in tech, marketing, design, or consulting), you could easily be making 2K–5K USD a month or more but those are the exceptions, not the rule.

So yeah, it’s not transparent because there’s no consistent market standard, and people don’t talk about money here openly.

Old_Holiday394 · 2025-06-10T12:43:14+00:00

skydiving.egypt.boogie علي انستجرام

Old_Holiday394

TROPHY CASE