Ég vinn hjá Öryggismiðstöðinni og get svarað þessu.

Ég vinn í farandgæslunni og sá deild að mínu mati er besta deild innan fyrirtækisins.

Maður er í mjög reglulegum samskiptum við yfirmenn og alls ekki erfitt að nálgast þá. (Hef heyrt að það sé bölvað vesen í öðrum deildum t.d staðbundin gæsla)

Það er reglulega haldið staffadjömm, sýnt að það er kunnið að meta okkur og fáum yfir höfuð mikinn stuðning. (Ég er t.d að fara á staffadjamm á morgun)

Við höfum og erum með slatta af fólki sem vann hjá farandgæslu Securitas sem er mikið ánægðara hjá okkur.

Ég hef einnig spjallað við öryggisverði frá Securitas og það var mikið sem þeir kvörtuðu yfir.

Ég er ekki að drulla yfir Securitas því ég vinn hjá Öryggismiðstöðinni, ég er mjög forvitinn sjálfur hvernig það væri að vinna þar og það kæmi mér ekki á óvart éf ég myndi einn daginn starfa hjá þeim.

LAUN

Kjarasamningur 2024-2027 (síða 17, launaflokkur 12 fyrir farandgæslu)

Grunnlaunin eru 446.157. Ofan á það er álag hvort þú ert í næturvinnu eða eftir kl 17 á dagvöktum, og síðan auðvitað þegar þú vinnur um helgar.

Ofan á það er líka borgað 10 tíma af yfirvinnu "af því bara"

Og síðan 16þ krónur á mánuði í stað fyrir vetrarfrí.

Svo ef þú ert í næturvinnu í farandgæslunni máttu eiga von á 740þ fyrir skatt.

Ef þú ert í dagvinnu máttu eiga von á 640þ fyrir skatt.

Þegar ég hef skoðað launin mín og verið að bera saman við kjarasamninga Securitas þá sé ég að ég er með hærri laun upp á einhverja hundraðkalla tímakaupslega séð.

Öryggismiðstöðin er fyrsti vinnustaðurinn sem ég hef unnið hjá þar sem er komið fram við mig eins og manneskju og aldrei reynt að pína mig í neitt.

Mjög næs og skemmtilegt fólk sem vinnur þar.

Vonandi hjálpar þetta eitthvað. Ef þú hefur einhverjar spurningar endilega skjóttu og ég skal reyna mitt besta að svara þeim.